Kungani Kunebubi Nekuhlupheka?

Nakwenteke intfo lembi, kuvamile kutsi bantfu batibute, “Kungani loku kwentekile?” Kujabulisa kakhulu kwati kutsi liBhayibheli lisiniketa timphendvulo leticacile talombuto!

1. Sathane wabucalisa njani bubi emhlabeni?

Sathane Develi wavukela Nkulunkulu. Bekafuna kubusa, ngako wayenga bantfu bekucala, bo-Adamu na-Eva kutsi nabo bavukele Nkulunkulu. Sathane wakwenta loku ngekutsi atjele Eva emanga. (Genesisi 3:1-5) Wamenta wacabanga kutsi kukhona lokuhle Jehova lamufihlele kona. Bekatsi bantfu bangajabula nabangamlaleli Nkulunkulu. Sathane wakhuluma emanga ekucala ngekutjela Eva kutsi bekangeke afe. Kungako, liBhayibheli libita Sathane ngekutsi “ungumcambimanga nababe wemanga.”—Johane 8:44.

2. Yini bo-Adamu na-Eva labakhetsa kuyenta?

Jehova bekabaphe tintfo letinyenti bo-Adamu na-Eva. Watsi bebangadla kuto tonkhe tihlahla letisengadzeni yase-Edeni ngaphandle kwasinye. (Genesisi 2:15-17) Bona bakhetsa kudla sitselo salesihlahla lebekungakafaneli basidle. Eva “wakha sitselo saso wasidla.” Kamuva, na-Adamu naye ‘wasidla.’ (Genesisi 3:6) Bobabili abazange bamlalele Nkulunkulu. Ngenca yekutsi bo-Adamu na-Eva bebete sono, bekungekwemvelo kutsi bangakwenti lokubi. Nobe kunjalo, bakhetsa kungamlaleli Nkulunkulu. Ngekwenta njalo, bona futsi bala kubuswa nguye. Lesincumo sabo senta kutsi bahlupheke kukhulu.—Genesisi 3:16-19.

3. Sincumo lesentiwa bo-Adamu na-Eva sisitsintsa njani tsine?

Ngesikhatsi bo-Adamu na-Eva bona, baba nesono futsi basendlulisela kubo bonkhe bantfwana babo. Nalikhuluma nga-Adamu, liBhayibheli litsi: “Sono sangena ngemuntfu munye eveni, nekufa kwangena ngesono, ngenca yaloko kufa kwasakatekela kubo bonkhe bantfu.”—KubaseRoma 5:12.

Sihlupheka ngenca yetizatfu letehlukahlukene. Ngaletinye tikhatsi sihlupheka ngenca yetincumo letimbi lesititsatsako. Siphindze sihlupheke ngenca yetincumo letimbi letentiwa ngulabanye, kanye nangekuba sendzaweni lengakafaneli ngesikhatsi lesikabi.—Fundza Umshumayeli 9:11.

CHUBEKA UFUNISISA

4. Ngubani losibangela kuhlupheka?

Bantfu labanyenti bakholelwa kutsi nguNkulunkulu lobusa umhlaba. Kuliciniso yini loko? Dlala le-VIDEO.

I-VIDEO: Ngubani Lobusa Umhlaba? (1:24)

Fundza Jakobe 1:13 na-1 Johane 5:19, bese nicoca ngalombuto:

• NguNkulunkulu yini lobangela bubi nekuhlupheka?

5. Yini leyentekile kusukela Sathane acala kubusa?

I-VIDEO: Kungani Nkulunkulu Avumele Kuhlupheka?—Incenye (3:07)

Fundza Genesisi 3:1-6, bese nicoca ngalemibuto:

• Ngumaphi emanga lashiwo nguSathane?—Buka emavesi 4 na-5.

• Sathane wakusho ngayiphi indlela kutsi Jehova ubagodlele lokuhle bantfu?

• Ngekusho kwaSathane, bantfu bebakudzinga yini kubuswa guJehova kuze bajabule?

Fundza Umshumayeli 8:9, bese nicoca ngalombuto:

• Yini leyentekile njengobe umhlaba ungabuswa nguJehova?

1. Bo-Adamu na-Eva bebete sono futsi bebahlala ePharadisi. Ngenca yekutsi balalela Sathane, bavukela Jehova

2. Ngemuva kwalokuvukela, umhlaba wagcwala sono, kuhlupheka kanye nekufa

3. Jehova utasicedza sono, kuhlupheka kanye nekufa. Bantfu batawuphindze babebete sono futsi baphile ePharadisi

6. Jehova unendzaba nekuhlupheka kwetfu

Nkulunkulu akanendzaba yini nekuhlupheka kwetfu? Cabanga ngaloko lokwabhalwa yiNkhosi Davide kanye nemphostoli Phetro. Fundza Tihlabelelo 31:7 na-1 Phetro 5:7, bese nicoca ngalombuto:

• Kukwenta utive njani kwati kutsi Jehova uyakubona kuhlupheka kwetfu futsi unendzaba natsi?

LOKO LESICOCE NGAKO

NguSathane Develi kanye nebantfu lababili bekucala lababangela kutsi kube nebubi emhlabeni. Kumvisa buhlungu kakhulu Jehova kuhlupheka kwetfu, futsi utakucedza madvutane.

Yini Loyifundzile?

• Ngumaphi emanga Sathane Develi lawatjela Eva?

• Kuvukela kwa-Adamu na-Eva kusitsintsa njani sonkhe?

• Sati njani kutsi Jehova unendzaba nekuhlupheka kwetfu?

LOKUNYE LONGAKUHLOLA

Fundza kutsi liBhayibheli litsi siyini sono.

“Siyini Sono?” (Sihloko lesiku-internet)

Fundza kabanti ngemphikiswano leyacaliswa nguSathane Develi ensimini yase-Edeni.

“Nkulunkulu Ukuvumele Leni Kuhlupheka?” (Sicongosekulindza, saMarch 1, 2014)

Hlola timphendvulo letidvudvutako temibuto lematima.

“Kungani Kwabulawa Bantfu Labanyenti? Nkulunkulu Wakuvumelelani?” (Sihloko lesiku-internet)

Buka kutsi yini leyafundvwa ngulenye indvodza ngekuhlupheka lebeyikubona.

Angisekho Ngedvwa (5:09)

Siyona, siyahlupheka futsi siyafa ngenca yekutsi bantfu bekucala, bo-Adamu na-Eva abamlalelanga Nkulunkulu.a Nobe kunjalo, lisekhona litsemba. Jehova usilungiselele indlela yekusikhulula esonweni nasekufeni asebentisa iNdvodzana yakhe, Jesu Khristu. LiBhayibheli lifundzisa kutsi Jesu waba yinhlawulo ngesikhatsi afa. Inhlawulo ngulokutsite lokukhokhwako kuze kukhululwe umuntfu. Inhlawulo leyakhokhwa nguJesu, kwaba kuphila kwakhe lokute sono. (Fundza Matewu 20:28.) Ngesikhatsi Jesu adzela lilungelo lekuphila phakadze emhlabeni, wasivulela indlela yekutfola konkhe lokwalahlwa bo-Adamu na-Eva. Jesu waphindze waveta indlela yena naJehova labasitsandza ngayo. Lesifundvo sitakusita ubonge kakhulu ngekufa kwaJesu.

1. Lamuhla sizuza njani ngekufa kwaJesu?

Ngenca yekutsi sitoni, senta tintfo letinyenti letingamjabulisi Jehova. Nobe kunjalo, nasitisola ngenca yetono tetfu futsi sicele intsetselelo ngaJesu Khristu, sitimisele kutsi singawaphindzi lawo maphutsa, singajabulela buhlobo lobusedvute kakhulu naNkulunkulu. (1 Johane 2:1) LiBhayibheli litsi: ‘Khristu wafa kwaba kanye kuphela ngenca yetono, umuntfu lolungile wafela labangakalungi, kuze abaholele kuNkulunkulu.’—1 Phetro 3:18.

2. Kufa kwaJesu kutasizuzisa njani esikhatsini lesitako?

Jehova watfumela Jesu kutsi anikele ngekuphila kwakhe lokute sono ‘kuze wonkhe umuntfu lokholwa nguye angabhubhi, kodvwa atfole kuphila lokuphakadze.’ (Johane 3:16) Siyabonga ngaloko Jesu lasentela kona, futsi Jehova utawususa tonkhe tintfo letimbi letabangelwa kungalaleli kwa-Adamu. Loku kusho kutsi nasikholwa emhlatjelweni waJesu, sitawuba nelitfuba lekuphila phakadze emhlabeni lolipharadisi!—Isaya 65:21-23.

CHUBEKA UFUNISISA

3. Kufa kwaJesu kuyasikhulula esonweni nasekufeni

I-VIDEO: Kungani Jesu Afa?—Incenye 1 (2:01)

• Ngenca yekutsi Adamu akazange alalele Nkulunkulu, nguliphi litfuba lelamlahlekela?

Fundza KubaseRoma 5:12, bese nicoca ngalombuto:

• Kona kwabo-Adamu, kukutsintse njani kuphila kwakho?

Fundza Johane 3:16, bese nicoca ngalombuto:

• Yini leyenta Jehova watfumela iNdvodzana yakhe lamhlabeni?

1. Adamu bekangumuntfu lote sono futsi akazange amlalele Nkulunkulu, ngenca yaloko bantfu bayona futsi bayafa

2. Jesu bekangumuntfu lote sono futsi wamlalela Nkulunkulu, ngenca yaloko bantfu banelitfuba lekuphila phakadze sebete sono

4. Kufa kwaJesu kungazuzisa bonkhe bantfu

I-VIDEO: Kungani Jesu Afa?—Incenye 2 (2:00)

• Kwenteka njani kutsi kufa kwemuntfu munye kuzuzise bonkhe bantfu?

Fundza 1 KuThimothi 2:5, 6, bese nicoca ngalombuto:

• Adamu bekete sono, kodvwa ngenca yekona kwakhe, bantfu bayona futsi bayafa. Jesu naye bekete sono njenga-Adamu. Ngako, yini Jesu lakhona kuyenta?

5. Inhlawulo isipho sakho lesivela kuJehova

Bangani baJehova batsatsa inhlawulo njengesipho sabo lesivela kuye. Sibonelo nje, fundza KubaseGalathiya 2:20, bese nicoca ngalombuto:

• Umphostoli Pawula waveta njani kutsi bekatsatsa inhlawulo njengesipho sakhe?

Ngesikhatsi Adamu ona, yena nabo bonkhe bantfwana bakhe batfola sigwebo sekufa. Nobe kunjalo, Jehova watfumela iNdvodzana yakhe kutsi itosifela kuze wena utfole litfuba lekuphila phakadze.

Njengobe ufundza lamavesi lalandzelako, cabanga ngekutsi Jehova wativa njani ngesikhatsi abona iNdvodzana yakhe ihlupheka. Fundza Johane 19:1-7, 16-18, bese nicoca ngalombuto:

• Utiva kanjani ngaloko Jehova naJesu labakwentela kona?

LOKO LESICOCE NGAKO

Ngenca yekutsi Jesu wafa, Jehova angasitsetselela tono tetfu futsi singaphila phakadze.

Yini Loyifundzile?

• Kungani Jesu afa?

• Kwenteka njani kutsi kuphila kwaJesu lebekute sono kufaneleke kuba yinhlawulo?

• Kungakuzuzisa njani kufa kwaJesu?

LOKUNYE LONGAKUHLOLA

Fundza kutsi kungani kuphila kwaJesu lokute sono kubitwa ngekutsi yinhlawulo.

“Kwenteka Njani Kutsi Umhlatjelo WaJesu Ube ‘Yinhlawulo Yalabanyenti’?” (Sihloko lesiku-internet)

Tfola kutsi yini lokufanele siyente kute sisindziswe esonweni nasekufeni.

“Jesu Uyasindzisa—Kanjani?” (Sihloko lesiku-internet)

Jehova angatitsetselela yini tono letinkhulu?

“Izimpendulo Zemibuzo YeBhayibheli” (Sicongosekulindza, saMay 1, 2013 lesitfolakala ngesiZulu)

Tfola kutsi kufundza ngenhlawulo yaKhristu kwayisita njani lenye indvodza lebeyihlushwa kucabanga tintfo letibuhlungu letenteka kuyo.

Angisesuye Umuntfu Lotsandza Budlova (Sihloko lesiku-internet)