-
Ungabatjela Njani Labanye Tindzaba Letimnandzi?Jabulela Kuphila Kuze Kube Phakadze!—Incwadzi Letakusita Ulati Kahle LiBhayibheli
-
-
1. Ungabacocela njani bantfu lobatiko loko lokufundzile?
Bafundzi baJesu batsi: “Tsine ngeke siyekele kukhuluma ngetintfo lesitibonile nalesitivile.” (Imisebenti 4:20) Bakutsandza kakhulu loko Jesu labafundzisa kona kangangekutsi bebafuna kutjela bonkhe bantfu ngako. Utiva ngaleyondlela yini nawe? Nangabe kunjalo, funa ematfuba ekutjela umndeni kanye nebangani bakho loko lokufundzile, kodvwa loko ukwente ngenhlonipho.—Fundza KubaseKolose 4:6.
Tindlela letingakusita ucale
Nawucoca nelilunga lemndeni, cala ngekutsi: “Kukhona lokujabulisako lengikufundze kuleliviki.”
Cocela umngani wakho logulako nobe lokhatsatekile ngembhalo lokhutsatako.
Nabakuvusela losebenta nabo, batjele ngaloko lokutfole nawutadisha liBhayibheli nobe lokufundze emhlanganweni welibandla.
Tjengisa bangani bakho i-website letsi jw.org.
Mema labanye kutsi babe khona nawufundzelwa liBhayibheli nobe ubakhombise kutsi bangasicela njani sifundvo seliBhayibheli ku-website letsi jw.org.
-
-
Ungabatjela Njani Labanye Tindzaba Letimnandzi?Jabulela Kuphila Kuze Kube Phakadze!—Incwadzi Letakusita Ulati Kahle LiBhayibheli
-
-
4. Bani nenhlonipho
Nawucocela labanye tindzaba letimnandzi, ungagcini nje ngekucabanga kutsi utawutsini, kodvwa phindze ucabange nangekutsi utakusho njani. Fundza 2 KuThimothi 2:24 na-1 Phetro 3:15, bese nicoca ngalemibuto:
Ungawasebentisa njani lamavesi nawucocela labanye ngeliBhayibheli?
Lamanye emalunga emndeni nobe bangani bangase bakuphikise. Yini longayenta? Yini lokungakafaneli uyente?
Yini leyenta kube ncono kusebentisa imibuto ngekuhlakanipha kunekubaphocelela kutsi bakholelwe loko lokushoko?
-