• Luhlelo Lweliviki Lelicala Nga-February 17
    Umsebenti WeMbuso—2014 | February

    • Luhlelo Lweliviki Lelicala Nga-February 17

      LIVIKI LELICALA NGA-FEBRUARY 17

      INgoma 15 Nemthantazo

      Sifundvo SeliBhayibheli Selibandla:

      cl-ZU sehl. 3 ¶1-10 (30 imiz.)

      Sikolwa Semsebenti WemaKhristu:

      Kufundvwa kweliBhayibheli: Genesisi 29-31 (10 imiz.)

      No. 1: Genesisi 29:21-35 (4 imiz. nobe ngephansi)

      No. 2: Luvuko Lutawusho Kutsini Kubo Bonkhe Bantfu—rs-ZU likh. 412 ¶1-4 (5 imiz.)

      No. 3: Sento Sekungalaleli Singenta Umsebenti Wekwetsembeka Weminyaka Leminyenti Ungasabonakali Njengobe Kwenteka Ku-Abiyatha—it-1-E emakh. 18-19, nobe uticwaningele (5 imiz.)

      Umhlangano Wemsebenti:

      INgoma 92

      10 imiz: Bani Nebungani Nawushumayela. Inkhulumo ledzingidvwa nelibandla lesekelwe encwadzini letsi “Isikole Senkonzo,” likhasi 118, sigaba 1, kuya ekhasini 119, sigaba 5.

      5 imiz: Uyayisebentisa Yini I-jw.org Nawushumayela? Inkhulumo ledzingidvwa nelibandla. Cela labakhona basho lokuhlangenwe nako kwabo ngekusebentisa i-jw.org ensimini. Bakhutsate kutsi uma litfuba livela, bakhulume nge-jw.org.

      15 imiz: “Jabulela Sikhatsi SeSikhumbuto Kulomnyaka.” Imibuto netimphendvulo. Cela labo labahlela kuba ngemahlahlandlela lasitako basho labatakwenta kute bandzise sikhatsi sabo emsebentini wekushumayela ngetulu kwekuba nemphilo lebutsakatsaka nome kuba matasa. Nanisesigabeni 3, cela umbonisi wemsebenti kutsi asho luhlelo lwelibandla lwemihlangano yangaphambi kwekuya ensimini letawubakhona nga-March, April, kanye na-May.

      INgoma 8 Nemthantazo

  • Jabulela Sikhatsi SeSikhumbuto Kulomnyaka
    Umsebenti WeMbuso—2014 | February

    • Jabulela Sikhatsi SeSikhumbuto Kulomnyaka

      1. Nguyiphi indlela lesingandzisa ngayo injabulo yetfu ngesikhatsi seSikhumbuto?

      1 Ungatsandza yini kwandzisa injabulo yakho nga-March, April, nanga-May? Lenye indlela yekuyandzisa kucitsa sikhatsi lesinyenti ensimini futsi nawungakhona, ungaba lihlahlandlela lelisitako. Loko kungayandzisa njani injabulo yakho?

      2. Kucitsa sikhatsi lesinyenti emsebentini wekushumayela kungayandzisa njani injabulo yetfu?

      2 Yandzisa Injabulo Yakho: Jehova wasidala kute sikhone kujabula futsi senetiseke nasimkhonta njengobe senetisa sidzingo setfu lesitalwa naso sekumati. (Mat. 5:3) Waphindze wasidala ngendlela yekutsi sitfole injabulo nasipha labanye. (Imis. 20:35) Umsebenti wekushumayela uyasivumela kutsi sikwente kokubili, kukhonta Nkulunkulu kanye nekusita bantfu. Ngako-ke, kunengcondvo kuphetsa ngekutsi singatfola injabulo lenyenti nasandzisa sikhatsi sekushumayela. Lenye inzuzo kutsi nasicitsa sikhatsi lesinyenti emsebentini wekushumayela, emakhono etfu ayatfutfuka. Njengobe sichubeka sitfutfukisa emakhono etfu, siba nesibindzi futsi kancane kancane luyancipha luvalo lesinalo. Sitawuba nematfuba lamanyenti ekufakaza newekucalisa tifundvo teliBhayibheli. Konkhe loku kwenta kutsi sikujabulele kakhulu kushumayela.

      3. Kungani March na-April kutawuba tinyanga letikahle tekuba ngemahlahlandlela lasitako?

      3 Nga-March nanga-April kutawuba tinyanga letikahle tekutsi sibe ngemahlahlandlela lasitako ngobe singakhetsa kutsi sitakwenta ema-awa langu-30 nobe langu-50. Kusukela ngeMgcibelo wamhlaka 22 ku-March kute kufike lilanga leSikhumbuto, ngeMsombuluko mhlaka 14 April, sitawuba nelitfuba lelijabulisako lekuhlanganyela emkhankhasweni wekumema labanye kutsi bete eSikhumbutweni. Emabandla atawujabula kakhulu njengobe bamemeteli labanyenti batawube “bahlangene lihlombe ngelihlombe” basebenta ngemandla abo onkhe kute bahlanganise emasimu lamanyenti kuleso sikhatsi lesibekiwe.—Zef. 3:9.

      4. Yini lokufanele siyente nasifuna kuba ngemahlahlandlela lasitako?

      4 Tilungiselele Nyalo: Nangabe usengakakwenti loko, tinikete sikhatsi sekuhlola luhlelo lwakho kute ubone kutsi nguluphi lushintjo longalwenta kute wandzise sikhatsi sakho sekushumayela kuyinye noma kuleletinye tinyanga. Thantaza kuNkulunkulu ucele lusito. (Jak. 1:5) Coca ngaloko nemndeni wakho kanye nalabanye ebandleni. (Taga 15:22) Ungatfola kutsi ngetulu kwekuba netinkinga temphilo nome kuba semsebentini wekutiphilisa wamalanga onkhe, nawe ungayitfola injabulo ngekuba lihlahlandlela lelisitako.

      5. Yini letakwenteka nangabe sandzisa sikhatsi sekushumayela ngesikhatsi seSikhumbuto?

      5 Jehova ufuna kutsi tikhonti takhe tijabule. (Hla. 32:11) Nasenta konkhe lokusemandleni etfu kute sicitse sikhatsi lesinyenti emsebentini wekushumayela ngesikhatsi seSikhumbuto, ngeke nje sigcine ngekutfola injabulo lenyenti kodvwa loko kutawuphindze kujabulise Babe wetfu losezulwini.—Taga 23:24; 27:11.