INCENYE 8

Kusho Kutsini Kufa KwaJesu Kuwe?

Jesu wafa kute sitfole kuphila. Johane 3:16

Umfati ubuka lithuna laJesu lelingenamuntfu

Ngemuva kwemalanga lamatsatfu Jesu afile, bomake labatsite baya ethuneni lakhe balitfola lite muntfu. Jehova abesamvusile Jesu kulabafile.

Jesu utiveta kubaphostoli futsi ubese wenyukela ezulwini

Ngemuva kwaloko Jesu wativeta kubafundzi bakhe.

Jehova besavuse Jesu asidalwa semoya lesinemandla nalesingafi. Bafundzi bakhe bambona enyukela ezulwini.

Nkulunkulu wavusa Jesu futsi wamenta iNkhosi yeMbuso waKhe. Danyela 7:13, 14

Asesihlalweni sakhe sebukhosi ezulwini, Jesu ubusa bonkhe bantfu labasemhlabeni lolipharadisi

Jesu wadzela kuphila kwakhe kute ahokhele bantfu sihlengo. (Matewu 20:28) Ngaleso sihlengo, Nkulunkulu wenta kutsi sikhone kuphila phakadze.

Jehova wabeka Jesu kutsi abe yiNkhosi letawubusa umhlaba. Utawubusa kanye nebantfu labetsembekile labangu-144 000, labavuselwa ekuphileni kwasezulwini. Jesu kanye nalaba labangu-144 000 bakha hulumende lolungile wasezulwini—uMbuso waNkulunkulu.—Sembulo 14:1-3.

UMbuso waNkulunkulu utawukwenta lomhlaba ube lipharadisi. Imphi, bugebengu, buphuya, kanye nendlala angeke kube khona. Bantfu batawujabula sibili.—Tihlabelelo 145:16.