Imfundvo Levela KuNkulunkulu Incoba Lubandlululo

Jehova akakhetsi. (Imi 10:34, 35) Wemukela bantfu labavela “kuto tonkhe tive, tinhlanga, bantfu, kanye netilwimi.” (Sem 7:9) Kute lubandlululo nobe kukhetsa ebandleni lebuKhristu. (Jak 2:1-4) Siyambonga Nkulunkulu ngalemfundvo, ngobe ishintja kuphila kwebantfu, nyalo sijabulela kubona kuthula kubantfu baNkulunkulu. (Isa 11:6-9) Njengobe sisebenta kamatima kute sikhiphe nobe ngutiphi timphawu telubandlululo etinhlitiyweni tetfu, sikhombisa kutsi silingisa Nkulunkulu.​—Efe 5:1, 2.

BUKELA I-VIDEO LETSI JOHNY NA-GIDEON: BAKE BABA TITSA, NYALO SEBAZALWANE. NGEMUVA KWALOKO BUTA LEMIBUTO LELANDZELAKO:

• Yini leyenta imfundvo levela kuNkulunkulu ibe ncono kakhulu kunemetamo yebantfu yekucedza lubandlululo nekukhetsa?

• Yini lekujabulisako wena ngebunye bebazalwane betfu labasemhlabeni wonkhe?

• Simkhatimulisa njani Jehova nasilondvolota bunye betfu bebuKhristu?