“Londvolota Inhlitiyo Yakho!”

Umhlangano Wesigodzi WaboFakazi BaJehova

SIHLOKO SANGALESIHLANU

“Simakadze Ubuka Inhlitiyo”—1 SAMUWELI 16:7.

SIHLOKO SANGEMGCIBELO

“Umlomo Ukhuluma Loko Lokugcwele Enhlitiyweni”—MATEWU 12:34.

SIHLOKO SANGELISONTFO

‘Khonta Jehova Ngayo Yonkhe Inhlitiyo’—1 TIKHRONIKE 28:9.

LiBhayibheli likhuluma ngenhlitiyo cishe tikhatsi letiyinkhulungwane. Etikhatsini letinyenti imiBhalo ayikhulumi ngenhlitiyo sibili kodvwa iye ikhulume ngenhlitiyo lemele lokutsite. Iyini inhlitiyo lemele lokutsite? Leligama lisho umuntfu wangekhatsi—loko umuntfu lakucabangako, indlela lativa ngayo netifiso takhe.

Yini lebangela kutsi kube nesidzingo sekulondvolota inhlitiyo lemelela lokutsite? Nkulunkulu watfuma iNkhosi Solomoni kutsi ibhale lamavi: “Ngetulu kwako konkhe londvolota inhlitiyo yakho ngekunakekela konkhe, ngobe kuyo kugeleta tiyalu tekuphila.” (Taga 4:23) Inhlitiyo yetfu lemelela lokutsite, inesandla ekuphileni kwetfu kwanyalo kanye nematsemba lesinawo ekuphila esikhatsini lesitako. Kungani kunjalo? Sizatfu saloko kutsi Nkulunkulu ubona konkhe lokusenhlitiyweni yetfu. (1 Samuweli 16:7) Inhlitiyo inguloko lesingiko, lokusho “kuhloba kwemuntfu longekhatsi,” lokuba nemtselela endleleni Nkulunkulu lativa ngayo ngatsi.—1 Phetro 3:4.

Singayilondvolota njani inhlitiyo yetfu? Imphendvulo yalombuto kutawucocwa ngayo kabanti emihlanganweni yesigodzi boFakazi BaJehova labatawuba nayo kusukela kulenyanga. Uyamenywa kutsi ube khona kuwo omatsatfu emalanga alomhlangano.a Lotakufundza kuwo kutakusita kutsi uphile ngendlela letakwenta inhlitiyo yaNkulunkulu Jehova ijabule.—Taga 27:11.

Ungatsandza Yini Kuvakashelwa?

Ngisho nakulelive lelinenkinga, ungayitfola injabulo ngekufundza liBhayibheli kute utfole lwati lolunembile ngaNkulunkulu, ngeMbuso wakhe, kanye nangenjongo yakhe ngebantfu. Nangabe ungatsandza kutfola lwati lolubanti nobe ungatsandza kuvakashelwa ngulotsite kute akuchubele sifundvo seliBhayibheli samahhala, sicela ubhalele boFakazi baJehova kulelikheli www.pr418.com.