Indlela yekuzuza kakhulu kuletifundvo letisekelwe eBhayibhelini

Printed Edition

Cela lotsite kutsi afundze nawe: Cela sifundvo seliBhayibheli kuloyo lokunikete lencwajana, nobe ufake sicelo ku-website letsi jw.org.

INCENYE YEKUCALA

Fundza sigaba ngasinye, lokufaka ekhatsi imibuto legcamile (A) kanye nemibhalo (B) legcizelela emaphuzu lamcoka. Naka kutsi leminye imibhalo ibhalwe kutsi “fundza.”

Timphawu letikhombisa A na-B letisencenyeni yekucala yesifundvo.

INCENYE LESEMKHATSINI

Umusho wekucala (C) longephansi kwencenye letsi Chubeka Ufunisisa uchaza loko lokutawube kukhulunywa ngako. Tihlokwana (D) tetfula emaphuzu lokutawucocwa ngawo. Fundza imibhalo, uphendvule imibuto, futsi ubukele nema-video (E).

Timphawu letikhombisa C, D na-E letisencenyeni lesemkhatsini wesifundvo.

Bukisisa titfombe nekukhulunyelwa kwato (F), bese ucabangisisa ngekutsi utawuphendvula njani encenyeni letsi Labanye Bantfu Batsi (G).

Timphawu F na-G letisencenyeni lesemkhatsini wesifundvo.

INCENYE YEKUGCINA

Sifundvo ngasinye siphetsa ngencenye letsi Loko Lesicoce Ngako naletsi Yini Loyifundzile? (H). Bhala lilanga locedze ngalo sifundvo ngasinye. Ngephansi kwesihlokwana lesitsi Umgomo (I), uniketwe loko longakwenta kuze uchubeke ufundza nobe indlela yekusebentisa loko lokufundzile. Ngephansi kwesihloko lesitsi Lokunye Longakuhlola (J) utawutfola kwatiswa lokwengetiwe longakufundza nobe tintfo longatibukela.

Timphawu letisencenyenti H, I, na-J letisencenyeni yekugcina yesifundvo.

Timphawu letikhombisa A, B, na-C ekhasini leliBhayibheli.

Indlela yekutfola emavesi eliBhayibheli

ImiBhalo ibonakala ngencwadzi yeliBhayibheli (A), sehluko (B), kanye nelivesi nobe emavesi (C). Nasi sibonelo, Johane 17:3 usho incwadzi yaJohane, sehluko 17, vesi 3.