Bewati Yini?
Bekukuhle ngani kutsi Jehova emukele umnikelo wematuba newemavukutfu?
UMTSETFO bewuvuma kutsi kunganikelwa ngematuba nangemavukutfu. Totimbili letinyoni kukhulunywa ngato kanye kanye emitsetfweni lemayelana nemnikelo futsi lenye beyinganikelwa esikhundleni salenye. (Lev. 1:14; 12:8; 14:30) Bekukahle ngani loku? Lesinye sizatfu kutsi ematuba bekahle angatfolakali. Ngasiphi sizatfu?
Lituba
Ematuba asuka kulenye indzawo aye kulenye, futsi ka-Israyeli bekatfolakala ehlobo. Njalo nga-October, aya emaveni lafutfumele, bese abuyela ka-Israyeli nakungena lihlobo. (Ngo. 2:11, 12; Jer. 8:7) Loku bekusho kutsi bekuba matima ngema-Israyeli kutsi anikele ngematuba ebusika.
Livukutfu
Emavukutfu wona akasuki kulenye indzawo aye kulenye, ngako bekahlala atfolakala ka-Israyeli umnyaka wonkhe. Ngetulu kwaloko, emavukutfu bekafuywa. (Catsanisa naJohane 2:14, 16.) Ngekusho kwencwadzi letsi Bible Plants and Animals, “e-Palestine, emadolobheni kanye nasetindzaweni letisemakhaya, bekufuywa emavukutfu. Likhaya ngalinye, beliba nendzawo lehlala emavukutfu.”—Catsanisa na-Isaya 60:8.
Livukutfu lisendzaweni yalo
Jehova wakhombisa kutsi unelutsandvo futsi uyacabangela ngekutsi avumele ema-Israyeli kutsi anikele ngaletinyoni lebetitfolakala umnyaka wonkhe.