“Jehova UnguMelusi Wami”

1. Jehova unguMelusi;

Yena uyangihola.

Uyatati tifiso tami;

Nalengikudzingako.

Emadlel’am’ aluhlata,

Ngob’ ungibusisile.

Futsi ungelusa ngelutsandvo

Ngize ngibe nek’thula.

Futs’ ungelusa ngelutsandvo

Ngize ngibe nek’thula.

2. Timnandzi tindlela takho,

Tonkhe tinekulunga.

Uyohlale ungicondzisa

Ngihambe ngebucotfo.

Etfuntini lebumnyama,

Uyanginakekela,

Kute ingoti leng’yesabako,

Ngoba uhlal’ unami.

Kut’ ingoti leng’yesabako,

Ngoba uhlal’ unami.

3. Jehova unguMelusi;

Wena uyangihola.

Ungiph’ emandla nekuthula;

Kute leng’kweswelako.

Ngiyohlale ngikwetsemba,

Ngob’ ukhona phakadze.

Lutsandvo lwakho nemusa wakho

Akung’khutsate njalo.

L’tsandvo lwakho nemusa wakho

Akung’khutsate njalo.