Emavi Lavela Kakhulu Encwadzini Yahezekeli

“Ndvodzana Yemuntfu”

AVELA TIKHATSI LETINGETULU KWA-90

Hezekeli ubitwa ngekutsi ‘yindvodzana yemuntfu’ tikhatsi letingetulu kwa-90. (Hez. 2:1) Ngako Jehova uyamkhumbuta kutsi nanobe atfole emalungelo lamanyenti, kodvwa solo ungumuntfu wasemhlabeni. Tincwadzi tebaVangeli, tibita Jesu ngekutsi ‘uyiNdvodzana yemuntfu’ tikhatsi letingu-80, lokukhombisa kutsi waba ngumuntfu mbamba hhayi nje ingilosi leyatishintja umtimba yafana nemuntfu.—Mat. 8:20.

“. . . Nitawukwati Kutsi Mine NginguJehova”

AVELA TIKHATSI LETINGETULU KWA-50

Hezekeli ubhala emavi aNkulunkulu latsi bantfu batawukwati “kutsi mine nginguJehova,” tikhatsi letingetulu kwa-50, kute agcizelele kutsi nguJehova kuphela lokufanele emukele kukhonta lokuhlantekile.—Hez. 6:7.

“INkhosi Lephakeme Jehova”

AVELA TIKHATSI LETINGU-217

Emavi latsi “INkhosi Lephakeme Jehova” avela tikhatsi letingu-217, futsi aniketa umcondvo wekutsi libito laNkulunkulu liphakeme kakhulu nekutsi yonkhe indalo ingaphansi kwaJehova.—Hez. 2:4.