Litsini Libhayibheli?

Kuyoke kube khona yini kuthula emhlabeni?

Ungaphendvula utsini?

• Yebo

• Cha

• Mhlawumbe

Lokushiwo liBhayibheli

Ngephansi kwekubusa kwaJesu Khristu, ‘kuthula kuyawukwandza siphelane’​—lokusho kutsi phakadze.​—Tihlabelelo 72:7.

Kukhona yini lokunye lokushiwo liBhayibheli ngalendzaba?

• Bantfu lababi batawususwa emhlabeni, kute kutsi labalungile bahlale kahle, “batijabulise ngekuthula lokukhulu.”​—Tihlabelelo 37:10, 11.

• Nkulunkulu utawucedza tonkhe timphi.​—Tihlabelelo 46:8, 9.

Kungaba khona yini kuthula kwengcondvo lamuhla?

Labanye bantfu bakholelwa . . . kutsi kuthula kwengcondvo mbamba ngeke kube khona nangabe nje lelive lisegcwele bubi nekuhlupheka. Wena ucabangani?

Lokushiwo liBhayibheli

Ngisho nasesikhatsini setfu, labo labanebuhlobo lobuhle naNkulunkulu bangaba nekuthula “kwaNkulunkulu lokwendlula konkhe kwati.”​—Filiphi 4:6, 7.

Kukhona yini lokunye liBhayibheli lelikushoko ngalendzaba?

• Nkulunkulu wetsembisa kususa konkhe kuhlupheka kanye nebubi, bese wenta “tonkhe tintfo tibe tinsha.”​—Sembulo 21:4, 5.

• Singaba nekuthula ngekutsi sinake “tintfo letiphatselene naNkulunkulu.”​—Matewu 5:3.