Kubuketwa KweSikolwa Semsebenti WemaKhristu

Lemibuto lelandzelako itawudzingidvwa eSikolweni Semsebenti WemaKhristu ngeliviki lelicala nga-February 28, 2011. Umbonisi wesikolwa utawuchuba kubuketa kwemizuzu lengu-20 lokusekelwe ekwatisweni kwetabelo teliviki la-January 3 kuya ku-February 28, 2011.

1. Ngumuphi umsebenti Hezekiya lawucalisa ekucaleni kwekubusa kwakhe, futsi tsine singamlingisa njani lamuhla? (2 Khr. 29:16-18) [w09-ZU 6/15 likh. 9 sig. 13]

2. Umbhalo wa-2 Tikhronike 36:21 ukugcizelela njani kugcwaliseka kwesiphrofetho lesitfolakala kuJeremiya 25:8-11? [w06-ZU 11/15 likh. 32 tig. 1-4]

3. Ezra 3:1-6 ubusekela njani bufakazi lobungekwemBhalo bekutsi iminyaka lengu-70 yekubhujiswa kweliJerusalema yaphela ngesikhatsi lesifanele? [w06-ZU 1/15 likh. 19 sig. 2]

4. Kungani Ezra amangala ngesikhatsi atfola kutsi ema-Israyeli abeshada nebantfu betive? (Ezra 9:1-3) [w06-ZU 1/15 likh. 20 sig. 1]

5. Abebobani ‘emadvodza lahloniphekile,’ futsi ngusiphi simo sawo sengcondvo lokufanele sisibalekele? (Neh. 3:5) [w06-ZU 2/1 likh. 10 sig. 1; w86-ZU 2/15 likh. 25]

6. UMbusi longuNehemiya usibonelo lesihle ngayiphi indlela kubabonisi labangemaKhristu? (Neh. 5:14-19) [si-ZU likh. 90 sig. 16]

7. Njengema-Israyeli angesikhatsi saNehemiya, singakubalekela njani kungayinaki “indlu yaNkulunkulu wetfu”? (Neh. 10:32-39) [w98-ZU 10/15 emakh. 21-22 sig. 12]

8. Kucabanga ngekuphila kwaNehemiya kungasenta sitibute miphi imibuto? (Neh. 13:31) [w96-ZU 9/15 likh. 16 sig. 3]

9. Esta watiphatsa kabi yini ngekwelicasi neNkhosi Ahashiveroshi? (Esta 2:14-17) [w06-ZU 3/1 likh. 9 sig. 3; w91-ZU 1/1 likh. 31 sig. 6]

10. Kungani Modekhayi angazange avume kukhotsamela Hamani? (Esta 3:2, 4) [it-2-E likh. 431 sig. 7; w06-ZU 3/1 likh. 9 sig. 4]