Pina. Pina ea thoriso ea Davida.
108 Pelo ea ka e tiile, Molimo.+
Ke tla bina ’me ke tsanyaole lipina tsa thoriso,+
Esita le khanya ea ka.+
2 U tsohe, Uena seletsa se likhoele; le uena harepa.+
Ke tla tsosa mafube.+
3 Ke tla u roka har’a lichaba, Jehova;+
Ke tla u binela lipina tsa thoriso har’a lihlopha tsa lichaba.+
4 Etsoe mosa oa hao o lerato o moholo ho ea fihla maholimong,+
Le ’nete ea hao e khōlō ho ea fihla maholimong.+
5 U phahamisoe ka holim’a maholimo, Molimo;+
Khanya ea hao e ke e be ka holim’a lefatše lohle.+
6 E le hore baratuoa ba hao ba ka pholosoa,+
U pholose ka letsoho la hao le letona ’me u nkarabe.+
7 Molimo o buile khalalelong ea hae:+
“Ke tla thaba, ke tla fana ka Shekeme+ e le kabelo;+
Ke tla lekanya khohlo ea Sukothe.+
8 Gileade+ ke ea ka; Manase+ ke ea ka;
Efraime ke qhobosheane ea motho oa ka ea ka sehloohong;+
Juda ke lere la ka la molaoli.+
9 Moabe+ ke pitsa eo ke hlatsoetsang ho eona.+
Ke tla lahlela moqathatso oa ka+ holim’a Edomo.+
Ke tla hooa ka tlhōlo+ holim’a Filistia.”+
10 Ke mang ea tla ntlisa motseng o etselitsoeng qhobosheane?+
Ke mang ea tla ntsamaisa ho ea fihla Edomo?+
11 Na hase uena, Molimo, ea re lahlileng+
Le ea sa tsamaeeng le mabotho a rōna u le Molimo?+
12 U re thuse mahlomoleng,+
Kaha poloko ea motho oa lefatše ha e na thuso.+
13 Re tla fumana mafolofolo ka Molimo,+
Eena o tla hatakela bahanyetsi ba rōna.+