Lipesaleme

137 Haufi le linōka tsa Babylona+—re ne re lutse moo.+

Hape ra lla ha re hopola Sione.+

 2 Ra fanyeha liharepa tsa rōna+

Holim’a lifate tsa popoliri+ ka har’a eona.

 3 Etsoe ba re tšoereng re le baholehuoa ba ile ba re kōpa mantsoe a pina moo,+

Ba re somang—ba re kōpa hore re ba thabise:+

“Re bineleng e ’ngoe ea lipina tsa Sione.”+

 4 Re ka bina pina ea Jehova joang+

Naheng esele?+

 5 Haeba nka u lebala, Uena Jerusalema,+

Letsoho la ka le letona le ke le lebale.

 6 Leleme la ka le ke le khomarele mahalapeng a ka,+

Haeba nke ke ka u hopola,+

Haeba nke ke ka etsa hore Jerusalema e phahamele

Ka holim’a lebaka la ka la sehlooho la ho thaba.+

 7 Jehova, mabapi le bara ba Edomo,+ u hopole+ letsatsi la Jerusalema,+

Ba neng ba re: “E pepeseng! E pepeseng ho fihlela motheong o ka har’a eona!”+

 8 Uena morali oa Babylona, ea lokelang ho tlatlapuoa,+

Ho tla thaba ea u putsang+

Ka tšoaro ea hao eo u ileng ua re tšoara ka eona.+

 9 Ho tla thaba ea tšoarang le ea tabanyang+

Bana ba hao lefikeng.