Lipesaleme

14 Ea se nang kelello o itse ka pelong ea hae:

“Jehova ha a eo.”+

Ba entse ka mokhoa o senyang,+ ba itšoere ka mokhoa o manyala mesebetsing ea bona.

Ha ho ea etsang se molemo.+

 2 Ha e le Jehova, o talimile tlaase ho bara ba batho a le leholimong,+

Ho bona hore na ho na le ea nang le temohisiso, ea batlang Jehova.+

 3 Kaofela+ ba khelohile, ba bolile kaofela ka ho tšoanang;+

Ha ho ea etsang se molemo,+

Esita le ea mong.+

 4 Na ha ho le ea mong oa ba tloaetseng ho etsa se kotsi ea nang le tsebo,+

Ba jang batho ba ka joalokaha ba jele bohobe?+

Ebile ha baa ipiletsa ho Jehova.+

 5 Moo ba ile ba tlala tšabo e khōlō,+

Etsoe Jehova o har’a moloko oa ea lokileng.+

 6 Le ne le hlabisa morero oa ea hlorileng lihlong,

Hobane Jehova ke setšabelo sa hae.+

 7 Hoja Sione ho ne ho e-na le poloko ea Iseraele!+

Ha Jehova a khutlisa baholehuoa ba sechaba sa hae,+

Jakobo e ke e thabe, Iseraele e nyakalle.+