Lipesaleme
Ho motsamaisi. “U se ke ua senya.” Ea Davida. Miktame.
58 Ho khutseng ha lōna na ka sebele le ka bua ka ho loka?+
Na le ka ahlola ka ho loka, Lōna bara ba batho?+
2 Ho e-na le hoo, ka lipelo le etsa ho se loke ho totobetseng hakaakang lefatšeng,+
Le ho lokisa tsela bakeng sa pefo ea matsoho a lōna!+
3 Ba khopo ba ’nile ba kheloha ba sa le ka pōpelong;+
Ba ’nile ba lelera ba sa le ka mpeng ho ea pele;
Ba bua mashano.+
4 Mahloko a bona a joaloka mahloko a noha,+
Ba ithiba litsebe joaloka masumu ea ithibang litsebe,+
5 Ea sa mameleng mantsoe a baupelli ba hae,+
Le hoja e mong ea bohlale a betsa ka mantsoe a boloi.+
6 Molimo, u ba khenole meno ka mahanong a bona.+
Roba masapo a mehlahare ea litaoana tse moetse, Jehova.
7 E se eka ba ka qhibiliha joalokaha eka ke ka metsing a ikelang ka tsela ea ’ona;+
E se eka a ka koba seqha bakeng sa metsu ea hae ha ba oa.+
8 O tsamaea joaloka khofu e nyamelang;
Ka sebele ba ke ke ba bona letsatsi joaloka mpa e senyehileng ea mosali.+
9 Pele lipitsa tsa hao li utloa monokotšoai o hotelitsoeng,+
Limela tse tala tse phelang hammoho le ho cha, o tla li nka joaloka moea oa sefefo.+