Watchtower ONLINE LIBRARY

Watchtower ONLINE LIBRARY

Sesotho (Lesotho)

2 Samuele 23:3, 4

Bibele—Phetolelo ea Lefatše le Lecha
- 3 Molimo oa Iseraele o buile,
  Ho ’na lefika la Iseraele+ le itse:
  
  ‘Ha ea busang batho a lokile,+
  A busa ka ho tšaba Molimo,+
  4 Ho joaloka leseli la hoseng ha letsatsi le chaba,+
  Hoseng ho se nang maru.
  
  Ho joaloka khanya ha pula e qeta ho na,
  E etsang hore joang bo mele lefatšeng.’+

Pesaleme 119:105

Bibele—Phetolelo ea Lefatše le Lecha
- 105 Lentsoe la hao ke lebone le khantšang moo ke hatang teng
  Hape ke leseli le bonesang tsela ea ka.+

1 Bakorinthe 13:12

Bibele—Phetolelo ea Lefatše le Lecha
- 12 Hona joale ha re bone ka tsela e hlakileng hobane ekare re ichebile ka seiponeng sa tšepe empa ka nako eo re tla bona hantle. Hona joale tsebo ea ka ea haella empa ka nako eo ke tla tseba lintho ka tsela e nepahetseng* feela joalokaha Molimo a ntseba hantle.

2 Bakorinthe 4:6

Bibele—Phetolelo ea Lefatše le Lecha
- 6 Molimo ke eena ea itseng: “Leseli le ke le khanye lefifing”+ ’me ka sefahleho sa Kreste, o khantšitse lipelo tsa rona+ ka tsebo ea hae e khanyang.

2 Petrose 1:19

Bibele—Phetolelo ea Lefatše le Lecha
- 19 Ke kahoo re kholisehileng le ho feta hore boprofeta bo tla phethahala. Le ele hloko boprofeta bona. Mantsoe a boprofeta bona a be joaloka lebone+ le khanyang sebakeng se lefifi e leng lipelong tsa lona. Le a ele hloko ho fihlela letsatsi le chaba le naleli ea meso+ e hlaha.