Watchtower ONLINE LIBRARY

Watchtower ONLINE LIBRARY

Sesotho (Lesotho)

Jeremia 25:17

Bibele—Phetolelo ea Lefatše le Lecha
- 17 Kahoo, ka nka senoelo letsohong la Jehova ’me ka noesa lichaba tsohle tseo Jehova a nthometseng ho tsona.+

Jeremia 25:20

Bibele—Phetolelo ea Lefatše le Lecha
- 20 le balichaba bohle ba neng ba lula har’a bona, marena ’ohle a naha ea Utse, a naha ea Bafilista,+ Ashkelone,+ Gaza, Ekrone le batho ba Ashdode ba setseng,

Ezekiele 25:15, 16

Bibele—Phetolelo ea Lefatše le Lecha
- 15 Jehova ’Musi oa Lintho Tsohle o re: ‘Kaha Bafilista ba hloile Baiseraele haholo, ba ikemiselitse ho iphetetsa ho bona ka sehloho le ho ba felisa.+ 16 Jehova ’Musi oa Lintho Tsohle o re: “Ke tla ahlola Bafilista,+ ke bolaee Bakerethe+ le batho bohle ba setseng ba lulang lebopong la leoatle.+

Amose 1:6

Bibele—Phetolelo ea Lefatše le Lecha
- 6 Jehova o re:
  
  ‘“Baahi ba Gaza+ ba ntšitetsoe ka makhetlo-khetlo.* Kahoo, nke ke ka fetola qeto eo ke seng ke e entse
  Hobane ba ile ba isa sehlopha sa batho ba hapuoeng+ Edomo.

Sofonia 2:4

Bibele—Phetolelo ea Lefatše le Lecha
- 4 Motse oa Gaza e tla ba lithako,
  Ashkelone e hloke baahi.+
  
  Sera se tla leleka baahi ba Ashdode har’a motšehare,
  Ekrone e felisoe ka ho feletseng.+

Zakaria 9:5, 6

Bibele—Phetolelo ea Lefatše le Lecha
- 5 Ashkelone e tla bona seo ’me e tšohe.
  
  Gaza e tla utloa bohloko haholo,
  Ekrone le eona e tla utloa bohloko hobane seo e se tšepileng se hlabisitsoe lihlong.
  
  Morena o tla felisoa Gaza
  ’Me Ashkelone e ke ke ea e-ba le baahi.+
  
  6 Molichaba* o tla lula Ashdode.
  
  Ke tla etsa hore Mofilista a se ke a hlola a ikhohomosa.+