• Deuteronoma 12:5, 6
    Bibele—Phetolelo ea Lefatše le Lecha

    • 5 Empa le ee sebakeng leha e le sefe seo Jehova Molimo oa lona a tla khetha ho beha lebitso la hae ho sona le ho lula teng har’a meloko eohle ea lona.+ 6 Ke moo le tla tlisa linyehelo tsa lona tsa secheso,+ mahlabelo a lona, likarolo tsa lona tsa leshome,+ monehelo oa lona,+ linyehelo tsa lona tsa boitlamo, linyehelo tsa lona tsa boithaopo+ le matsibolo a mohlape oa lona oa likhomo, oa linku le lipoli.+

  • Pesaleme 122:sehlooho-9
    Bibele—Phetolelo ea Lefatše le Lecha

    • Pina ea ho Nyolohela Motseng. Pesaleme ea Davida.

      122 Ke ile ka thaba ha ba re ho ’na:

      “A re eeng ntlong ea Jehova.”+

       2 Hona joale re eme ka har’a likeiti tsa hao,

      Uena Jerusalema.+

       3 Jerusalema e hahiloe e le motse

      O nang le mehaho e atamelaneng.+

       4 Maloko a nyolohetse motseng ona,

      Maloko a Jah,*

      Ho ea ka molao oo a o fileng Iseraele

      Hore e e’o rorisa lebitso la Jehova.+

       5 Literone tsa kahlolo li ne li behiloe moo,+

      Literone tsa litloholo tsa Davida.+

       6 Kopang hore ho be le khotso Jerusalema.+

      Ba e ratang ba tla sireletseha.

       7 E se eka ho ka lula ho e-na le khotso motseng*

      Le tšireletseho e be teng litoreng tsa hao tse sirelelitsoeng ka thata.

       8 Molemong oa bana beso le metsoalle ea ka ke tla re:

      “E se eka u ka ba le khotso.”

       9 Molemong oa ntlo ea Jehova Molimo oa rona,+

      Ke tla rapella hore u atlehe.