20 Mohats’a Zebedea+ a ea ho eena a e-na le bara ba hae. A mo khumamela eaba o mo kopa ho hong.+ 21 Jesu a re ho eena: “U batla’ng?” ’Mè eo a re: “Ke kopa hore bara bana ba ka ba babeli ba lule le uena ’Musong oa hao, e mong ka letsohong la hao le letona ’me e mong ka ho le letšehali.”+ 22 Jesu a re: “Ha le tsebe hore na le kopa’ng. Na le ka noa ntho eo ke leng haufi le ho e noa?”+ Ba re ho eena: “Re ka e noa.” 23 A re ho bona: “E, ho e noa le tla e noa+ empa ha se ’na ea khethang hore na ke mang ea tla lula ka letsohong la ka le letona kapa le letšehali. Ke Ntate ea khethang.”+

49 Ke kahoo Molimo ea bohlale a ileng a re: ‘Ke tla romela baprofeta le baapostola ho bona empa ba tla bolaea le ho hlorisa ba bang ba bona