50 Bajuda ba hlohlelletsa basali ba balumeli ba tummeng hammoho le banna ba hlaheletseng ba motse. Ba tsosetsa Pauluse le Barnabase mahloriso+ eaba ba ba ntšetsa ka ntle ho meeli ea bona.

30 Ke hobane’ng ha le rona re lula re le kotsing?+ 31 Letsatsi le letsatsi ke ba kotsing ea ho shoa. Taba ena ke ’nete bana beso feela joalokaha e le ’nete hore ke ikotla sefuba ka lona barutuoa ba Kreste Jesu Morena oa rona.

23 Na ba sebeletsa Kreste? Ke araba joaloka lehlanya, ’na ke mo sebeletsa haholo ho ba feta: Ke entse mesebetsi e mengata,+ ka koalloa hangata,+ ka otloa hangata ’me ka makhetlo a mangata ka batla ke shoa.+ 24 Ka makhetlo a mahlano, Bajuda ba ile ba nchapa lithupa tse 39,+ 25 ka otloa ka melamu ka makhetlo a mararo,+ ka tlepetsoa ka majoe hanngoe,+ ka robeheloa ke sekepe hararo,+ ka qeta bosiu bo le bong le letšehare ke le leoatleng. 26 Ke ne ke le maetong hangata, ke tobana le likotsi linokeng, likotsi tsa masholu, tsa batho ba heso,+ tsa linaha tse ling,+ likotsi tsa motseng,+ likotsi tsa thoteng, likotsi tsa leoatleng, likotsi tsa bana beso ba bohata.