Lipesaleme
Thapelo ea Davida.
17 Utloa kopo ea ka ’me u nketsetse toka hle Jehova.
Mamela sello sa ka ha ke kopa thuso.
Utloa thapelo ea ka eo ke e etsang ke sa bue leshano.+
2 E se eka u ka etsa qeto e lokileng ka ’na.+
Mahlo a hao a ke a bone se lokileng.
3 U hlahlobile pelo ea ka, oa ntlhahloba le bosiu.+
U ntlhoekisitse.+
U tla fumana hore ha kea rera letho le lebe
Le hore molomo oa ka ha oa bua letho le phoso.
4 Ha ke etse lintho tseo linokoane li li etsang joalokaha batho ba bang ba etsa,
Ke mamela mantsoe a hao.+
6 Ke hoeletsa uena hobane u tla nkaraba,+ Molimo oa ka.
’Mamele.* Utloa mantsoe a ka.+
7 Bontša lerato* la hao ka litsela tse hlollang,+
Uena Mopholosi oa ba balehelang letsohong la hao le letona hore ba fumane tšireletso
Ho ba u fetohelang.
8 Ntšireletse joaloka thaka ea leihlo la hao.+
Mpate moriting oa mapheo a hao.+
10 Ha ba na kutloelo-bohloko.
Baa ikhohomosa ha ba bua.
Ba batla monyetla oa ho re liha.*
12 Ea khopo o joaloka tau e batlang ho khaola phofu ea eona likoto,
O tšoana le taoana e ipatileng hore e hlasele.
13 Nthuse hle Jehova, mo loantše+ ’me u mo lihele fatše.
Mpholose ho ea khopo ka sabole ea hao.
14 Mpholose ka letsoho la hao hle Jehova,
Ho batho ba lefatše lena ba tšoenyehileng ka bophelo ba hona joale feela,*+
Bao u ba fang lintho tse ngata tse molemo+
Le ba sielang bara ba bona ba bangata lefa.
15 Ha e le ’na, ke tla bona sefahleho sa hao hobane ke lokile.