Lipesaleme
Binelang Jehova pina e ncha.+
Mo roriseng phuthehong ea ba tšepahalang.+
2 Baiseraele ba ke ba thabe ka lebaka la Moetsi oa bona e Moholo.+
Bara ba Sione ba ke ba thabe ka lebaka la Morena oa bona.
3 Ba ke ba rorise lebitso la hae ka ho tantša,+
Ba mo binele lithoriso ka moropa o monyenyane le ka harepa.+
4 Jehova o rata batho ba hae.+
O tlotla ba bonolo ka ho ba pholosa.+
5 Ba tšepahalang ba ke ba thabe ka lebaka la khanya eo a ba fang eona.
Ba ke ba hoeletse ba thabile libetheng tsa bona.+
6 Ba binele Molimo lithoriso ka melomo ea bona,
Ba tšoare sabole e sehang ka mahlakore a mabeli,
7 Eo ba tla iphetetsa ka eona ho lichaba
Le ho khalemela lichaba ka eona
8 Hore ba tlame marena a tsona
Le bahlomphehi ba tsona ka liketane
Tlotla ena e tšoanela bohle ba mo tšepahallang.
Rorisang Jah!*