Lipesaleme
Pesaleme ea Davida. Maskile.*
32 Ho thaba eo phoso ea hae e tšoaretsoeng, eo sebe sa hae se koahetsoeng.*+
2 Ho thaba motho eo Jehova a sa mo nkeng a le molato,+
Eo ka pelong ea hae a sa nahaneng ka ho thetsa.
3 Ha ke thola, ke ne ke khathala* ka lebaka la bohloko boo ke neng ke bo utloa letsatsi lohle.+
4 Kaha ha kea u khahlisa, ke ne ke utloa ke imetsoe bosiu le motšehare.+
Matla a ka a ne a fela joaloka metsi ha a chesoa ke mocheso oa lehlabula. (Selah)
5 Qetellong ka u bolella sebe sa ka.
Ha kea ka ka pata phoso ea ka.+
Ke ile ka re: “Ke tla bolella Jehova liphoso tsa ka.”+
Eaba u tšoarela libe tsa ka.+ (Selah)
Esita le metsi a moroallo a ke ke a fihla ho bona.
7 U sebaka seo ke ipatang ho sona.
U tla ntšireletsa mahlomoleng.+
Ho tla ba le thabo e kholo ka mahlakoreng ’ohle ha u mpholosa.+ (Selah)
8 “Ke tla etsa hore u be le temoho ’me ke u rute tsela eo u lokelang ho tsamaea ka eona.+
Ke tla u eletsa ke u behile leihlo.+
9 U se ke oa ba joaloka pere kapa ’moulo o se nang kutloisiso.+
Li lokela ho laoloa ka tomo kapa ka ropo pele li ka atamela ho uena
Hobane li le hlaha.”
10 Matšoenyeho a motho ea khopo a mangata.
Empa Jehova o sireletsa ea mo tšepang ka lerato* la hae.+
11 Thabang ka lebaka la seo Jehova a se entseng, lona ba lokileng.
Hoeletsang le thabile, lona bohle ba lipelo li ntle.