Lipesaleme
Ho motsamaisi. Pesaleme ea Davida. Pina.
109 Molimo eo ke mo rorisang,+ u se ke oa thola feela
2 Hobane batho ba khopo le ba leshano ba bua hampe ka ’na.
Ba bua leshano ka ’na.+
4 Leha ke ba bontša hore kea ba rata, baa nqosa.+
Empa ke ntse ke rapela.
6 E se eka sera sa ka se ka ahloloa ke motho ea khopo.
Mohanyetsi* a ke a eme ka letsohong la hae le letona.
7 A ke a fumanoe a le molato* ha a ahloloa.
E se eka le thapelo ea hae e ka nkuoa e le sebe.+
8 A ke a phele nako e khutšoanyane.+
Mosebetsi oa hae oa ho ba molebeli o ke o nkoe ke motho e mong.+
11 Motho ea mo kolotiselitseng a ke a mo nkele tsohle,
Le balichaba ba ke ba inkele thepa ea hae.
12 E se eka ho ke ke ha e-ba le motho ea bang mosa ho eena*
Kapa ea hauhelang bana ba hae ba setseng e le likhutsana.*
13 Litloholo tsa hae li ke li felisoe.+
Mabitso a tsona a ke a hlakoloe molokong o tlang.
15 E se eka Jehova a ka lula a hopola lintho tseo ba li entseng.
A etse hore ba se ke ba hlola ba hopoloa lefatšeng.+
16 Motho eo ha aa ka a ba mosa*+ ho ba bang
Empa o ile a ’na a lelekisa ba hateletsoeng,+ ba futsanehileng
Le ba utloileng bohloko hore a ba bolaee.+
17 O ne a rata ho rohaka batho empa lintho tseo li etsahaletse eena.
O ne a sa rate ho hlohonolofatsa. Kahoo, le eena ha aa ka a hlohonolofatsoa.
18 O ne a apere lithohako joalokaha eka ke seaparo sa hae.
Tsa tšeloa ’meleng oa hae joaloka metsi
Le masapong a hae joaloka oli.
19 E se eka lithohako tsa hae li ka ba joaloka seaparo seo a ithatelang ka sona,+
Li be joaloka lebanta leo a lulang a le tlamme.
Mpholose hobane u lerato* haholo.+
22 Ha ke na matla ebile ke futsanehile.+
Pelo ea ka e utloile bohloko haholo.+
23 Bophelo ba ka bo bokhutšoanyane joaloka moriti o nyamelang.
Ke tšoana le tsie e hlohloriloeng seaparong.
24 Mangole a ka aa khoehla ke ho itima lijo.
Ke mosesaane ebile ke otile.*
Ha ba mpona ba sisinya lihlooho.+
26 Nthuse hle, Jehova Molimo oa ka.
Mpholose hobane oa nthata.
27 E se eka ba ka tseba
Hore ke uena Jehova ea mpholositseng.
28 E se eka ha ba nthohaka, uena u ka ntlhohonolofatsa.
Ha ba ntlhasela, ba ke ba hlajoe ke lihlong
Empa e se eka ’na mohlanka oa hao nka thaba.
29 E se eka ba nqosang ba ka tlotlolleha.
E se eka ba ka apareloa ke lihlong joalokaha eka ke seaparo se selelele.*+
30 Ke tla rorisa Jehova ka pelo ea ka eohle.
Ke tla mo rorisa ka pel’a batho ba bangata.+