Ezekiele
19 “Bina koli-ea-malla* e buang ka likhosana tsa Iseraele 2 u re,
‘ ’Mè oa hao o ne a le joaloka tau e tšehali har’a litau.
O ne a lula har’a litaoana tse matla a holisa malinyane a hae.
3 O ile a holisa lelinyane le leng la hae hore e be taoana e matla.+
E ile ea ithuta ho harola liphoofolo tseo e li tsommeng,
E ne e bile e ja batho.
4 Lichaba li ile tsa utloela ka taoana eo eaba li cheka sekoti lia e tšoasa,
Tsa e isa naheng ea Egepeta li e tšoere ka lihakisi.+
5 ’Mè oa eona o ile a ema ho fihlela a bona hore ha ho sa na tšepo ea hore e tla khutla.
A nka lelinyane le leng la hae a le etsa taoana e matla.
6 Le lona le ile la lula har’a litau tse ling ’me la fetoha taoana e matla.
E ile ea ithuta ho harola liphoofolo tseo e li tsommeng, e ne e bile e ja batho.+
7 E ne e tsamaea har’a litora tsa bona tse sirelelitsoeng ka thata le metseng ea bona e senyehileng.
Ha e puruma, molumo oa eona o ne o utloahala hohle naheng eo e senyehileng.+
8 Lichaba tse tsoang literekeng tse e potolohileng
Tsa e tšoasa ka letlooa ka sekoting seo li se chekileng.
9 Li ile tsa e tšoara ka lihakisi, tsa e kenya ka serobeng sa litšepe eaba li e isa ho morena oa Babilona.
Tsa e koalla moo e le hore lentsoe la eona le se ke la hlola le utloahala lithabeng tsa Iseraele.
10 ’Mè oa hao o ne a le joaloka sefate sa morara*+ se lenngoeng pel’a metsi.
Se ne se e-ba le makala ebile se beha litholoana hobane se le pel’a metsi a mangata.
11 Makala* a sona a ile a tiea hoo a neng a khona ho etsa mare a borena a babusi.
Se ile sa hola sa e-ba selelele ho feta lifate tse ling,
Se ne se bonahala ka lebaka la bolelele le makala a sona a mangata.
12 Empa se ile sa fotholoa+ ka bohale sa lahleloa fatše
Eaba moea o hlahang ka bochabela o etsa hore litholoana tsa sona li omelle.
Makala a sona a matla a ile a rojoa, a omella+ a ba a cha.+
14 Mollo o ile oa chesa makala, lithunthung le litholoana tsa sona.
Ha ho na lekala le tiileng le ileng la sala ’me le lere la borena ha lea ka la e-ba teng.’+
Ena ke eona pina ea koli-ea-malla ’me e tla lula e le koli-ea-malla.”