Lipesaleme
Ho motsamaisi. E letsoe ka molumo oa “Lipalesa.”* Pesaleme ea bara ba Kora.+ Maskile.* Pina ea lerato.
45 Pelo ea ka* e anngoe ke litaba tse monate.
Ke re: “Pina ea ka e bua ka morena.”+
E se eka leleme la ka le ka ba joaloka pene+ ea mokopitsi* ea hloahloa.+
2 U motle ka ho fetisisa ho bara ba batho.
Molomong oa hao ho tsoa mantsoe a mangata a mosa.+
Ke ka lebaka leo Molimo a u hlohonolofalitseng ka ho sa feleng.+
4 Bontša bokhabane ba hao ’me u hlole.*+
Palama pere ea hao ’me u loanele ’nete, boikokobetso le toka,+
Letsoho la hao le letona le tla etsa* lintho tse makatsang.
5 Metsu ea hao e bohale, e etsa hore lichaba li oele ka pel’a hao.+
E hlaba lipelo tsa lira tsa morena.+
6 Molimo o u fa matla a ho busa* ka ho sa feleng.+
Lere la puso ea hao ke lere la toka.+
7 U rata toka+ ’me u hloile bokhopo.+
Ke ka lebaka leo Molimo, Molimo oa hao, a u tlotsitseng+ ka oli ’me a entseng hore u thabe+ ho feta lithaka tsa hao.
8 Liaparo tsohle tsa hao li tlotsitsoe ka mira, lekhala le kasia hore li nkhe hamonate.
Liletsa tse likhoele tse tsoang ntlong e kholo ea borena e khabisitsoeng ka lenaka la tlou, lia u thabisa.
9 Ba bang ba basali ba hao ba hlomphehang ke barali ba marena.
Mofumahali oa morena o eme ka letsohong la hao le letona, o khabisitsoe ka khauta ea Ofire.+
10 Morali, mamela ’me u mamelisise u be u sekehe tsebe.
Lebala batho ba heno le ba lelapa la ntate oa hao.
12 Morali oa Tire o tla tla ka mpho.
Batho ba ruileng ka ho fetisisa ba tla batla u ba hauhele.
13 Ka tlung ea borena* morali oa morena o motle haholo.
Liaparo tsa hae li khabisitsoe ka khauta.
14 O tla tlisoa ho morena a apere liaparo tse ntle haholo.*
Baroetsana ba mo setseng morao ba tlisoa ka pel’a hao.
15 Ba tla tlisoa ka thabo le nyakallo.
Ba tla kena ka phaleising ea morena.
16 Bara ba hao ba tla nkela baholo-holo ba hao sebaka.
U tla ba beha hore e be likhosana lefatšeng lohle.+
17 Ke tla etsa hore lebitso la hao le tsebahale melokong eohle.+
Ke ka lebaka leo lichaba li tla u rorisa ka ho sa feleng.