Buka ea Pele ea Likronike
16 Ba tlisa Areka ea Molimo oa ’nete ’me ba e beha ka tenteng eo Davida a neng a e hlometse eona.+ Eaba ba etsetsa Molimo oa ’nete linyehelo tsa secheso le mahlabelo a kopanetsoeng.+ 2 Ha Davida a qeta ho etsa linyehelo tsa secheso+ le mahlabelo a kopanetsoeng,+ a hlohonolofatsa batho ka lebitso la Jehova. 3 Ho ekelletsa moo, a fa Baiseraele bohle, monna le mosali e mong le e mong bohobe bo selika-likoe, bohobe ba litholoana tsa palema le bohobe ba morara o omisitsoeng. 4 A khetha Balevi ba bang hore ba sebeletse ka pel’a Areka ea Jehova,+ ho tlotlisa,* ho leboha le ho rorisa Jehova Molimo oa Iseraele. 5 Asafe+ e ne e le hlooho ’me Zakaria e le oa bobeli ho eena. Jeiele, Shemiramothe, Jehiele, Matithia, Eliabe, Benaia, Obede-edomo le Jeiele+ ba ne ba bapala liletsa tse likhoele le liharepa+ ’me Asafe a letsa lisimbala.+ 6 Baprista Benaia le Jahaziele ba ne ba letsa literompeta kamehla ka pel’a areka ea selekane sa Molimo oa ’nete.
7 Letsatsing leo Davida a qapa pina ka lekhetlo la pele ho leboha Jehova ’me a re Asafe+ le bana babo ba e bine ba re:
10 Ithoriseng ka lebitso la hae le halalelang.+
Lipelo tsa ba batlang Jehova li ke li thabe.+
11 Batlang Jehova,+ le mo kope hore a le fe matla a hae.
Le mo kope kamehla hore a le thuse.+
12 Hopolang lintho tse hlollang tseo a li entseng,+
Mehlolo ea hae le likahlolo tseo a faneng ka tsona,
13 Lona bana* ba Iseraele mohlanka oa hae,+
Lona bara ba Jakobo bao a ba khethileng.+
O ahlola lefatše lohle.+
15 Hopolang selekane sa hae ka ho sa feleng,
Tšepiso eo a e entseng* ho meloko e sekete,+
16 Selekane seo a se entseng le Abrahama+
Le kano eo a e entseng ho Isaka,+
17 Eo a faneng ka eona e le molao ho Jakobo+
Hape e le selekane se tla lula se le teng ho Iseraele,
18 A re, ‘Ke tla le fa naha ea Kanana+
E le lefa leo le le abetsoeng.’+
19 Sena se etsahetse ha le ne le fokola ka palo,
Le fokola haholo ka palo ’me le le balichaba naheng eo.+
20 Ba ne ba tsamaea ba tloha sechabeng se seng ho ea ho se seng,
Ba tloha ’musong o mong ho ea ho batho ba bang.+
21 Ha aa ka a lumella motho leha e le ofe ho ba hatella+
Empa o ile a khalemela marena ka lebaka la bona,+
22 A re, ‘Le se ke la thetsa batlotsuoa ba ka,
Le se ke la etsa letho le lebe ho baprofeta ba ka.’+
23 Binelang Jehova, lona bohle ba lefatšeng.
Letsatsi le letsatsi le phatlalatse hore oa pholosa.+
24 Bolellang lichaba ka khanya ea hae,
Le bolelle batho bohle ka mesebetsi ea hae e metle.
25 Jehova o moholo ’me o tšoaneloa ke ho rorisoa haholo,
O lokela ho tšajoa ho feta melimo e meng kaofela.+
27 O pota-potiloe ke khanya* le bokhabane.*+
Matla le thabo li moo a lulang teng.+
29 Rorisang Jehova hobane lebitso la hae le tšoaneloa ke thoriso.+
Tlisang mpho ’me le kene ka pel’a hae.+
Inamelang* Jehova le apere liaparo tse halalelang.*+
30 Le thothomele ka pel’a hae, lona bohle ba lefatšeng.
Lefatše le tiisitsoe ka thata ebile le ke ke la suthisoa.*+
31 Maholimo a ke a thabe le lefatše le ke le thabe.+
E-reng ho lichaba: ‘Jehova ke Morena!’+
32 Leoatle le tsohle tse ho lona li ke li hoeletse li thabile.
Masimo le tsohle tse ho ’ona li ke li thabe.
33 Ka nako e tšoanang lifate tsa moru li ke li hoeletse li thabile ka pel’a Jehova
Hobane oa tla,* o tl’o ahlola lefatše.
35 E-reng, ‘Re pholose, Molimo oa poloko ea rona.+
U re phuthe ’me u re lopolle lichabeng
E le hore re ka rorisa lebitso la hao le halalelang,+
Re u rorise re thabile.+
36 Jehova Molimo oa Iseraele a ke a rorisoe
Ka ho sa feleng.’”
Batho bohle ba re, “Amen!”* ’me ba rorisa Jehova.
37 Davida a siea Asafe+ le bana babo moo ka pel’a areka ea selekane sa Jehova hore ba ’ne ba sebeletse ka pel’a Areka,+ ba etsa lintho tseo ba neng ba tloaetse ho li etsa letsatsi le letsatsi.+ 38 A siea le Obede-edomo le bana babo ba 68. A khetha Obede-edomo, mora oa Jeduthune le Hosa hore e be balebeli ba likeiti. 39 A beha moprista Tsadoke+ le baprista-’moho le eena ka pel’a tabernakele ea Jehova sebakeng se phahameng Gibeone+ 40 hore ba nyehele linyehelo tsa secheso ho Jehova kamehla aletareng ea linyehelo tsa secheso hoseng le mantsiboea, le ho etsa lintho tsohle tse ngotsoeng molaong oa Jehova oo a o laetseng Baiseraele.+ 41 Ba ne ba e-na le Hemane le Jeduthune+ le banna bohle ba khethiloeng ka mabitso ho leboha Jehova+ hobane “lerato* la hae ha le fele le ka mohla.”+ 42 Ba ne ba e-na le Hemane+ le Jeduthune ba letsa literompeta, lisimbala le liletsa tsa ho rorisa* Molimo oa ’nete ’me bara ba Jeduthune+ ba le keiting. 43 Ka mor’a moo, batho bohle ba ea malapeng a bona ’me Davida a hlohonolofatsa ba lelapa la hae.