Lipesaleme
BUKA EA BOBELI
(Pesaleme ea 42-72)
Ho motsamaisi. Maskile* ea bara ba Kora.+
42 Joalokaha khama e lakatsa metsi a linokaneng,
Le ’na ke lakatsa ho u sebeletsa, Molimo oa ka.
2 Joaloka motho ea nyoretsoeng metsi, ke hloka Molimo, Molimo ea phelang.+
Ke tla tla neng ke tl’o hlaha ka pel’a Molimo?+
3 Ha ke khone ho ja, ke lla bosiu le motšehare.
Batho ba ’nyefola letsatsi lohle ba re: “O kae Molimo oa hao?”+
Ke ne ke tsamaea butle ka pel’a bona ho ea ntlong ea Molimo,
Re hoelelitse re thabile re bile re leboha
Joaloka letšoele le entseng mokete.+
5 Ke hobane’ng ha ke nyahame?+
Ke hobane’ng ha ke khathatsehile?
Ke ka lebaka leo ke u hopolang,+
Ho tloha naheng ea Jordane le holim’a lithaba tsa Hermone,
Ho tloha Thabeng ea Mizare.*
7 Ke utloa molumo oa metsi a phallang ka potlako
Ke molumo oa liphororo tsa hao.
Maqhubu ’ohle a hao a mathang ka potlako a nkoahetse.+
8 Motšehare Jehova o tla mpontša lerato la hae,
Bosiu ke tla bina ka eena, ke rapele Molimo ea mphang bophelo.+
9 Ke tla re ho Molimo e leng lefika la ka:
“Ke hobane’ng ha u ntebetse?+
Ke hobane’ng ha ke tsamaea ke utloile bohloko hakaale ka lebaka la sera sa ka se nkhateletseng?”+
10 Lira tsa ka tse batlang ho mpolaea ka sehloho* lia ’nyefola.
Lia ’nyefola letsatsi lohle li re: “O kae Molimo oa hao?”+
11 Ke hobane’ng ha ke nyahame?
Ke hobane’ng ha ke khathatsehile?