Lipesaleme
Ho motsamaisi. Pesaleme. Pina.
66 Hoeletsang Molimo le thabile, lona bohle ba lefatšeng.+
2 Binelang* lebitso la hae le khanyang lipina tsa thoriso.
Mo halaletseng ’me le mo rorise.+
3 E re’ng ho Molimo: “Mesebetsi ea hao ke e hlollang haholo.+
Ka lebaka la matla a hao a maholo,
Lira tsa hao li tla ikokobetsa ka pel’a hao.+
4 Batho bohle lefatšeng ba tla u khumamela.+
Ba tla u binela lithoriso.
Ba tla binela lebitso la hao lithoriso.”+ (Selah)
5 Tloong le tl’o bona mesebetsi ea Molimo.
Lintho tseo a li etselitseng bara ba batho lia hlolla.+
6 O ile a fetola leoatle hore e be naha e ommeng.+
Ba tšetse nokeng ka maoto.+
Re ne re thabile moo ka lebaka la seo a re etselitseng sona.+
7 O busa ka matla a hae ka ho sa feleng.+
Mahlo a hae a lula a shebile lichaba.+
Ba manganga ba se ke ba iphahamisa.+ (Selah)
Haa tlohelle maoto a rona hore a khoptjoe.*+
U re hloekisitse feela joalokaha silevera e hloekisoa.
11 U re kentse letlooeng la ho tsoma.
U behile moroalo o boima haholo holim’a rona.
12 U lumeletse batho hore ba re hatakele.*
Re fetile mollong le metsing
Eaba u re tlisa sebakeng seo re ka phomolang ho sona.
13 Ke tla kena ka tlung ea hao ka linyehelo tse feletseng tsa secheso.+
Ke tla phetha likano tsa ka tseo ke u etselitseng tsona+
14 Tseo ke u tšepisitseng tsona ka molomo oa ka+
Le tseo ke li buileng ha ke ne ke tšoenyehile.
15 Ke tla u etsetsa linyehelo tsa secheso ka liphoofolo tse nonneng
Ka mosi oa sehlabelo sa liramo.
Ke tla nyehela ka lipoho le ka liphooko.* (Selah)
17 Ke ile ka mo bitsa ka molomo oa ka
Ka mo rorisa ka leleme la ka.
20 Ho rorisoe Molimo, ea sa kang a iphapanyetsa thapelo ea ka
Kapa a hana ho mpontša lerato.