Lipesaleme
Ho motsamaisi. Pesaleme ea bara ba Kora.+ E binoe ka Alamothe.* Pina.
2 Ke ka lebaka leo re ke keng ra tšoha le hoja lefatše le fetoha,
Le hoja lithaba li thothomela ’me li oela botebong ba leoatle,+
3 Le hoja metsi a lona a loebehlana a bile a etsa lekoeba,+
Le hoja lithaba li reketla ka lebaka la ho khahlellana ha lona. (Selah)
4 Ho na le noka eo melapo ea eona e thabisang motse oa Molimo,+
Tabernakele e kholo e halalelang ea Ea Phahameng ka ho Fetisisa.
5 Molimo o motseng oo.+ Kahoo, o ke ke oa hloloa.
Molimo o tla u thusa esale ka meso.+
6 Lichaba li ne li entse morusu, mebuso e ne e hlotsoe.
A phahamisa lentsoe la hae ’me lefatše la qhibiliha.+
7 Jehova oa mabotho o na le rona.+
Molimo oa Jakobo ke setšabelo sa rona se sireletsehileng.* (Selah)
8 Tloong, le tl’o bona mesebetsi ea Jehova,
Le tl’o bona lintho tse makatsang tseo a li entseng lefatšeng.
9 O felisa lintoa lefatšeng lohle.+
O roba seqha ebile o robakanya le lerumo.
O chesa likariki tsa sesole* ka mollo.
10 “Ineheleng ’me le tsebe hore ke ’na Molimo.
Ke tla tlotlisoa har’a lichaba.+
Ke tla tlotlisoa lefatšeng.”+
11 Jehova oa mabotho o na le rona.+
Molimo oa Jakobo ke setšabelo sa rona se sireletsehileng.+ (Selah)