Lipesaleme
95 Tloong, re hoeletseng Jehova re thabile.
A re hoeletseng ka thabo ’me re rorise Lefika la rona le re pholosang.+
2 A re tleng ka pel’a hae* re mo lebohe.+
A re hoeletseng re thabile ’me re mo binele lithoriso.
4 O laola libaka tse tlase tsa lefatše.
Lithaba tse phahameng ke tsa hae.+
5 Leoatle ke la hae, ke eena ea le entseng.+
O bopile lefatše ka matsoho a hae.+
6 Tloong, re rapele ’me re iname.
A re khumameleng Jehova Moetsi oa rona.+
Haeba le mamela lentsoe la hae kajeno,+
8 Le se ke la ba manganga joaloka baholo-holo ba lona ha ba le Meriba,*+
Ba ile ba nteka le hoja ba bone mesebetsi ea ka.+
10 Ke ile ka nyonya moloko oo ka lilemo tse 40 eaba ke re:
“Ke sechaba se lulang se ntlhanohela ka lipelong tsa sona.
Ha se tsebe litsela tsa ka.”
11 Kahoo, ka ikana ke halefile ka re:
“Ba ke ke ba phomola le ’na.”+