Liproverbia
1 Maele a Solomone+ morena oa Iseraele,+ mora oa Davida:+
2 Maele ana a ngoletsoe hore motho a ithute* bohlale+ le ho mamela khalemelo,*
A utloisise lipolelo tse tebileng,*
3 A amohele taeo+ e fanang ka kutloisiso e tebileng,
E mo thusang ho ba motho ea lokileng,+ ho khona ho ahlola ka toka+ le ho tšepahala,*
4 A fa ba se nang boiphihlelo bohlale,+
A fa mohlankana tsebo le bokhoni ba ho nahana.+
5 Motho ea bohlale oa mamela ’me o tsoela pele ho ithuta,+
Motho ea nang le kutloisiso o fumana tataiso e nepahetseng.*+
7 Mohato oa pele oa ho fumana tsebo* ke ho hlompha* Jehova.+
Ke lithoto* feela tse hloileng bohlale le khalemelo.+
8 Mora oa ka, u mamele ha ntate oa hao a u khalemela.+
U se ke oa lahla lintho tseo ’mè oa hao a u rutileng tsona.*+
10 Mora oa ka, haeba baetsalibe ba leka ho u hohela, u se ke oa lumela.+
11 Haeba ba re: “A re ee.
A re ba lalleng e le hore re ba bolaee.
Re tla ipata, re lalle ba hlokang molato.
12 Re tla ba koenya ba phela feela joaloka Lebitla,*
Re ba koenye ba feletse joaloka ba theohelang ka sekoting.
13 A re nkeng matlotlo ’ohle a bona,
Re tla tlatsa matlo a rona ka thepa eo re e hapileng.
15 Mora oa ka, u se ke oa tsamaea le bona.
U se ke oa hata mehlaleng ea bona.+
17 Ha ho na thuso ho chehela nonyana leraba moo e ntseng e bona.
18 Ke kahoo baetsalibe ba lallang batho ba se nang molato hore ba ba bolaee,
Baa ipata e le hore ba ba timetse.
20 Bohlale ba ’nete+ bo hoeletsa seterateng.+
Bo ntse bo phahamisa lentsoe limmarakeng.+
22 “Lona ba se nang tsebo, le tla rata ho hloka tsebo ho fihlela neng?
Lona basomi, le tla thabela ho soma ho fihlela neng?
Lona ba se nang kelello, le tla hloea tsebo ho fihlela neng?+
23 Mamelang ha ke le khalemela*+
’Me ke tla le fa bohlale,*
Ke tla le thusa ho utloisisa mantsoe a ka.+
25 La ’na la iphapanyetsa likeletso tsa ka
’Me la hana khalemelo ea ka,
26 Le ’na ke tla le tšeha ha le hlaheloa ke koluoa,
Ke tla le soma ha tlokotsi e tla,+
27 Ha tlokotsi e tla joaloka sefefo,
Le koluoa ea lona e fihla joaloka setsokotsane,
Ha le hlaheloa ke litsietsi le mahlomola.
28 Ka nako eo ba tla ’ne ba mpitse empa nke ke ka araba,
Ba tla mpatla ba be ba khathale*+
30 Ba hanne keletso ea ka,
Ba nyefotse khalemelo eohle ea ka.
32 Hobane ba se nang boiphihlelo ba tla bolaoa ke ho tsoa taolong,
Ba se nang kelello ba bolaoe ke ho se tsotelle.