Lipesaleme
Pesaleme ea Davida.
26 Nkahlole hle Jehova hobane kea tšepahala.+
Ke tšepile Jehova ke sa thekesele.+
2 Ntlhahlobe hle Jehova ’me u nteke.
Hloekisa menahano ea ka e ka hare-hare* le pelo ea ka.+
4 Ha ke motsoalle* oa batho ba leshano.+
Ha ke tloaelane le batho ba patang seo ba leng sona.*
6 Ke tla hlapa matsoho a ka ho bontša hore ha ke na molato.
Ke tla potoloha aletare ea hao Jehova
7 Hore ke utloahale ha ke u leboha+
Le hore ke bolele mesebetsi eohle ea hao e hlollang.
9 U se ke oa ntlosa le baetsalibe+
Kapa oa felisa bophelo ba ka le batho ba ratang ntoa,*
10 Bao matsoho a bona a etsang lintho tse soabisang
Le bao letsoho la bona le letona le ratang ho nka tjotjo.
11 Ha e le ’na, ke tla lula ke tšepahala.
Mpholose* ’me u nkhauhele.
12 Leoto la ka le eme sebakeng se sireletsehileng.+
Ke tla rorisa Jehova har’a phutheho e kholo.+