Lipesaleme
Thapelo ea motho ea mahlomoleng ha a nyahame* ’me a bolella Jehova lintho tse mo tšoenyang.+
102 Jehova, utloa thapelo ea ka hle.+
E se eka u ka utloa sello sa ka.+
2 U se ke oa ntahla ha ke e-na le mathata.+
’Mamele.*
U nkarabe kapele ha ke llela ho uena.+
3 Bophelo ba ka bo fela kapele joalokaha mosi o nyamela,
Masapo a ka a a cha joalokaha eka a ka ontong.+
4 Pelo ea ka e joaloka joang bo chesitsoeng ke letsatsi ’me e omeletse+
Ebile ha ke sa na takatso ea lijo.
6 Ke mong joaloka letata la naheng.
Ke joaloka sephooko* se senyenyane har’a mehaho e senyehileng.
Ke joaloka nonyana e lutseng e le ’ngoe marulelong.+
8 Lira tsa ka li ’nyefola letsatsi lohle.+
Ba ntšehang* ba sebelisa lebitso la ka ho rohaka ba bang.
9 Molora e se e bile e le lijo tsa ka,+
Le lintho tseo ke li noang li kopane le likhapha,+
10 Kaha u mphahamisitse e le hore u ntahle.
Hobane u halefile haholo.
12 Empa Jehova, u lula u le teng ka ho sa feleng.+
U tla lula u tsebahala* melokong eohle.+
Nako eo u e behileng e fihlile.+
17 O tla mamela lithapelo tsa batho ba hlophehileng.+
A ke ke a khella lithapelo tsa bona fatše.+
19 Jehova o shebile tlase a le sebakeng sa hae se phahameng se halalelang.+
O shebile lefatše a le leholimong
20 Hore a utloe sello sa motšoaruoa+
Le hore a lokolle ba ahloletsoeng lefu+
21 E le hore lebitso la Jehova le ka phatlalatsoa Sione+
A be a rorisoe Jerusalema.
23 O entse hore matla a ka a fele ke sa le mocha.
O khutsufalitse bophelo ba ka.
24 Ke ile ka re: “Molimo oa ka,
U se ke oa mphelisa ke e-s’o tsofale.
U Molimo ea tla lula a le teng ka ho sa feleng.+
26 Li tla fela empa uena u tla lula u le teng.
Kaofela li tla tsofala joaloka seaparo.
U tla li lahla joaloka liaparo tsa khale ’me u tlise tse ling.