Liproverbia
4 E-re ho bohlale: “U ausi oa ka”
’Me u re ho kutloisiso: “U mong ka ’na.”
5 Li tla u lebela khahlanong le mosali oa letekatse,*+
Khahlanong le mosali ea boitšoaro bo bobe* le mantsoe a hae a monate.*+
6 Ke ile ka hlahela ka fensetere ea ntlo ea ka
Eaba ke sheba tlase.
8 O ile a feta pel’a seterata sa mosali eo
Eaba o nka tsela e eang ntlong ea hae.
10 Eaba ke bona mosali a mo khahlanyetsa,
A apere joaloka* letekatse,+ a e-na le morero oa bolotsana.*
13 A tšoara mohlankana ’me a mo suna.
A sa soabe, a re ho eena:
14 “Ke ne ke lokela ho etsa mahlabelo a khotso.*+
Kajeno ke phethile likano tsa ka.
15 Ke kahoo ke tlileng ho u khahlanyetsa.
Ke u batlile ’me ke u fumane.
17 Ke fafalitse bethe ea ka ka mira, makhala le sinamone.+
18 Tloo, re ikhotsofatse ka lerato ho fihlela hoseng,
A re taeane ka lerato.
19 Monna oa ka ha a eo lapeng,
O etetse hole.
20 O tsamaile ka mokotla oa chelete
’Me o tla khutla mohla khoeli e tolokileng.”
21 O khelosa mohlankana eo ka ho mo phehella.+
O mo eka ka lipuo tse monate.
22 Hang-hang mohlankana eo o mo sala morao joaloka poho e tl’o hlajoa,
Joaloka leoatla le tlanngoeng hore le tl’o fuoa kotlo.+
23 Qetellong motsu o tla phunya sebete sa hae.
O tšoana le nonyana e potlakelang sefing, ha a tsebe hore o tla shoa.+
24 Joale bara ba ka, ’mameleng,
Mamelang ka hloko mantsoe ao ke a buang.
25 Le se ke la lumella lipelo tsa lona ho khelohela litseleng tsa mosali eo.
Le se ke la hlahlathella litseleng tsa hae.+