Lipesaleme
Pina ea ho khakola ntlo. Pesaleme ea Davida.
30 Ke tla u phahamisa Jehova hobane u ile oa mpholosa.*
Ha oa ka oa lumella hore lira tsa ka li thabe ka lebaka la ka.+
2 Jehova Molimo oa ka, ke ile ka llela ho uena ke kopa thuso eaba oa mpholisa.+
3 Jehova, u ’nyollotse Lebitleng.*+
U mpolokile ke phela, oa mpholosa hore ke se ke ka oela ka sekoting.*+
4 Binelang Jehova lithoriso, lona batho ba hae ba tšepahalang,+
Rorisang lebitso la hae le halalelang*+
5 Hobane Molimo o halefela motho ka nakoana+
Empa ha a hauhela motho, o mo hauhela bophelo bohle.+
Leha ho ka ba le sello mantsiboea, hoseng ho ba le thabo.+
6 Ha ke ne ke se na mathata, ke ile ka re:
“Nke ke ka sisinngoa le ka mohla.”
7 Ka lebaka la mosa oa hao Jehova, u entse hore ke be matla joaloka thaba.+
Empa ha u mpatela sefahleho sa hao, ke ile ka tšoha haholo.+
8 Jehova, ke ile ka ’na ka u bitsa.+
Ka ’na ka kopa hore u nkhauhele, Jehova.
9 Ho na le molemo ofe haeba ke shoa, haeba ke theohela sekoting?*+
Na lerole le tla u rorisa?+ Na le tla bua hore oa tšepahala?+
10 Utloa hle Jehova ’me u nkhauhele.+
Nthuse hle Jehova.+
11 U entse hore ke tantše ke thabile ho e-na le hore ke utloe bohloko.
U tlositse lesela la ka le hoashang,* oa nkapesa thabo,
12 E le hore ke u binele lithoriso ’me ke se ke ka thola.
Jehova Molimo oa ka, ke tla u rorisa ka ho sa feleng.