Leqephe la Bobeli

Makasine The Nation o tlalehile hore Afrika ke “mohloli o enneng haholo le o tsitsitseng oa lijo tse sebelisoang letsatsi le leng le le leng ke lichaba tse tsoetseng pele.” Tlaleng ea morao tjena ea sekoboto Ethiopia, baahi ba Brithani ba ile ba tšoha ha ba utloa hore ba ntse ba e-ja litholoana le meroho ea Ethiopia. Ntle ho tšoele, Afrika e romela linaheng tse ling tee, kofi, tsoekere, cocoa, matokomane, lipalesa tse ncha, nama, oli ea palema, lehong, le litlhahisoa tse ling tse ngata tsa temo.

Empa, ke hobane’ng ha Afrika e hlōleha ho iphepa? Na ho ka etsoa ho eketsehileng ho thusa Afrika ho sebelisa matla a eona a temo? Ho na le tšepo efe bakeng sa ba bolailoeng ke tlala? Lihlooho tse latelang li tla hlahloba lipotso tsena le ho lebisa leihlo la hao lenaneong le tla atleha ho felisa tlala lefatšeng lohle, e seng Afrika feela.

[Moo Setšoantšo se Nkiloeng Teng leqepheng la 2]

Foto ea FAO