Se ke Ua Senya, U ke ke Ua Hloka

SECHABENG sa rōna sa kajeno se sebelisang thepa, mokhoa o se nang kotsi oa ho lahla litšila le lithōle tse nang le lintho tse kotsi o fetohile bothata bo tšabehang. Ho fapana le seo, pōpo ea Molimo ea hlolla mabapi le ho baballa lintho le ho li hlahisa hape. Ka mohlala, nahana ka khekhe ea linotši. Boka ba linotši, e leng thepa ea ho haha khekhe ea linotši, ke thepa e theko e thata—notši e etsang mahe e hloka ligrama tse 16 tsa mahe a linotši le phofshoana ea limela e bongata bo sa tsejoeng bakeng sa ho etsa boka ba linotši ba grama e le ’ngoe. Linotši li lekanyetsa litšenyehelo joang bakeng sa boka ba tsona? Buka ea By Nature’s Design ea hlalosa: “Mabota a mararo a boka a karolo e ka hare ea khekhe ea linotši a kopana hammoho mothating o itseng likhutloaneng tse etsang likhato tse 120, ’me a etsa mokhabo o tloaelehileng oa libōpeho tse nang le mahlakore a tšeletseng. Mokhoa ona o nolofaletsa linotši ho fokotsa tekanyo ea boka boo li bo sebelisang, ha ka nako e tšoanang li etsa mohaho o tiileng oa ho bolokela mahe a tsona.” Kahoo mohaho ona o hlollang o na le sebōpeho se setle le tšebetso e baballang, ’me ho ka etsoa o tšoanang le oona hape!

Haeba u thabela ho bala lihlooho tse buang ka saense le lintho tse hlollang tsa tlhaho ’me u lakatsa ho amohela Tsoha! kamehla, ikopanye le Lipaki tsa Jehova tikolohong ea heno kapa u ngolle atereseng e haufi ho tse thathamisitsoeng leqepheng la 5.