O e Rata ho Feta Ntho Leha e le Efe ea ho Bapala

Na bana ba banyenyane ba ka rata buka ho feta lintho tsa ho bapala? Ho ka etsahala hore ba e rate haeba batsoali ba ba tloaetsa ho bala e sa le masea. Mebrahdtu le Angela, e leng banyalani ba lulang California, U.S.A., ba ile ba qala ho balla morali oa bona buka ea Ithute ho Mosuoe e Moholo ho tloha ha ba fihla ba tsoa sepetlele.

Batsoali bao ba re: “Ka lebaka leo, o rata buka ena ea Mosuoe. Ha a le likhoeli li 12 feela, o ile a qala ho ikōpela hore a balloe seo a neng a re ke buka ea Jesu. Julianna o lilemo li tharo joale ’me o letela ka cheseho nako e monate eo a bang le eona le rōna ha re mo balla letsatsi le leng le le leng. Ha re feteletse taba ha re re morali oa rōna o rata buka ena ho feta ntho leha e le efe ea ho bapala. Litšoantšo le lipapiso ka botsona lia ruta. Le rōna joaloka ka batsoali re ithuta ho hongata.”

U ka kōpa buka ena e maqephe a 256 e nang le litšoantšo tse ntle, eo maqephe a eona a lekanang le a makasine ena ka boholo. Tlatsa setlankane se ka tlaase mona ebe u se romela atereseng e bontšitsoeng ho sona kapa e loketseng ho tse thathamisitsoeng leqepheng la 5 la makasine ena.

□Le hoja ke sa itlame ka letho, ke kōpa hore le ntlisetse buka ena e bontšitsoeng mona.

□Ke kōpa hore le nketele mabapi le thuto ea lehae ea Bibele e sa lefelloeng.