Selelekela

MOLIMO EA MATLA ’OHLE ke ’Musi oa bokahohle. Bophelo ba rōna ba hona joale le ba nakong e tlang, bo itšetlehile ka eena. O na le matla a ho putsa le matla a ho otla. O na le matla a ho fana ka bophelo le matla a ho bo nka. Haeba a re amohela, lintho li tla re tsamaela hantle; haeba a sa re amohele, lintho li tla re tsamaela hampe. Ke habohlokoa hakaakang hore borapeli ba rōna e be bo amohelehang ho eena!

Batho ba rapela ka litsela tse ngata. Haeba bolumeli bo tšoana le tsela, na Molimo o amohela litsela tsohle tsa bolumeli? Che, ha a li amohele tsohle. Jesu, moprofeta oa Molimo, o ile a bontša hore ho na le litsela tse peli feela. O ile a re: “Tsela e isang timetsong e pharaletse ebile e khōlō, ’me ba kenang ka eona ba bangata; athe heke e isang bophelong e moqotetsane le tsela e isang teng e patisane, ’me ke ba seng bakae ba e fumanang.”—Matheu 7:13, 14.

Ho na le mefuta e ’meli feela ea bolumeli: bo isang bophelong le bo isang timetsong. Morero oa bukana ena ke ho u thusa ho fumana tsela e isang bophelong bo sa feleng.