“Oa Tšepahala ka Bolumeli ba Hae”

Le hoja makala a ’muso a bile le thuso e khōlō morerong oa khaho oa Mokhatlo oa Watchtower Nigeria, likoranta tse ling, le baetapele ba bang ba bolumeli, li lekile ho etsetsa Lipaki tsa Jehova khathatso ka taba ea ho se nke lehlakore. Leha ho le joalo, batlalehi ba bang ba litaba ba ile ba li babatsa. Mongoli e mong, eo e leng ’muelli oa molao, a botsa hore na Lipaki tsa Jehova “li hlile li ipaka li se na moea oa ho rata naha” kapa che. Ha a fana ka karabelo ea hae, o ile a re: “Lipaki ke baahi ba utloang molao le ba lefang lekhetho. . . . Paki leha e le efe e ka tšepahallang bolumeli ba eona ho isa boholeng ba ho bo mamela leha e le kotsing ea ho lahleheloa ke litokelo tse itseng, e tla tšepahala ka ho tšoanang esita le linthong tse ling tse ngata. . . . Lebaka leo ka lona e hanang ho utsoa chelete ea ’muso ha basebetsi ba bang, . . . ba binang pina ea sechaba empa ba utsoa lichelete, ke hobane Bibele ea eona e e hlokang hore e se ke ea bina pina ea sechaba e boetse e re e se ke ea utsoa.”