“Tšepo ea Lefatše le Molemo”
Ha a etetse Montreal ka Phupu 1985, Gilles Le Sieur o ile a siea mokotlana oa hae oa libuka e se ka morero tereneng e tsamaeang ka tlas’a lefatše. Letsatsi ka mor’a hore a khutlele hae, lik’hilomithara tse 260 ho tloha Montreal, o ile a amohela mohala o tsoang ho mosetsana ea neng a thōtse mokotlana. Gilles le mosali oa hae ba ile ba khutlela Montreal ho ea o lata. Ha ba o fumane, ba ile ba fa mosetsana eo kopi ea buka U ka Phela ka ho sa Feleng Paradeiseng Lefatšeng. Hoo e ka bang libeke tse peli hamorao, ba ile ba fumana lengolo la kananelo le tsoang ho eena, ka karolo le re:
“Ha ke tsebe hore na ke mang ho rōna ea nehelaneng ka tšebeletso e khōlōanyane ho e mong bekeng e fetileng. Le hoja ke ne ke sa lebella ho boelloa ke letho, ke ile ka khahloa ke teboho eo le mpontšitseng eona. Ka ho khetheha ke ile ka ananela ’nete ea hore le ne le batla ho arolelana le ’na mohloli oa thabo ea lona. . . . Ke se ke qetile ho bala buka eo le mphileng eona, ’me nakong eo le balang lengolo lena, e mong oa metsoalle ea ka o tla be a e bala. Le ne le nepile ka melemo eo buka ena e e tlisang. Ha e-ea ka ea mpha tšepo ea lefatše le molemo feela empa e arabetse lipotso tse ngata tseo bolumeli ba ka bo e-song ho li arabe le ka mohla. . . . Hona joale ke qalile ho bala Bibele ka takatso ea ho phela bophelo bo molemo.”
Mosetsana enoa o ile a ntšetsa pele ho ithuta ha hae Bibele ’me, ka mor’a nako, a fetoha mosebeletsi oa nako e tletseng oa lintho tse molemo tseo a neng a ithutile tsona. U ka Phela ka ho sa Feleng Paradeiseng Lefatšeng e bile kofuto ho fetoleng bophelo ba batho ba bangata ho ba bo molemo. Buka ena, e maqephe a boholo bo lekanang le makasine ona, e tšohla hoo e ka bang thuto e ’ngoe le e ’ngoe ea Bibele ’me e na le litšoantšo tse ka holimo ho 150. E le hore u ka fumana khatiso ena ea bohlokoa, tlatsa le ho romela setlankane se ka tlaase.
Sena ke karolo ea mosebetsi oa lefatše lohle oa thuto ea Bibele o tšehetsoang ka menehelo ea boithatelo.
Ke rata ho amohela buka e sekoahelo se thata e maqephe a 256, U ka Phela ka ho sa Feleng Paradeiseng Lefatšeng.