Litsebiso
◼ Lingoliloeng tse tla sebelisoa ka October: Lipeeletso tsa Molula-Qhooa le Tsoha! ka poso ka monehelo oa R30,00 bakeng sa likhatiso tse tsoang habeli ka khoeli. Peeletso ea selemo se le seng bakeng sa likhatiso tse tsoang hang ka khoeli kapa peeletso ea likhoeli tse tšeletseng bakeng sa likhatiso tse tsoang habeli ka khoeli ke R15,00. Lipeeletso tsa club ke R19,00 le R9,50 ka ho latellana. November: Bibele—Lentsoe la Molimo Kapa la Motho? ka monehelo oa R3,50. December: Motho e Moholo ka ho Fetisisa ea Kileng a Phela ka monehelo oa R10,50. January: Buka leha e le efe e maqephe a 192 e hatisitsoeng pele ho 1982 eo phutheho e ka bang le eona setokong. Liphutheho tse se nang libuka tsa khale setokong li tla nehelana ka Khotso ea ’Nete le Tšireletseho—U ka li Fumana Joang? kapa Tšireletseho Lefatšeng Lohle Tlas’a “Morena oa Khotso” ka monehelo oa R3,50.
◼ KA KŌPO HLOKOMELANG: Matsatsi le lipuo tsa likopano tse latelang tsa setereke li fetotsoe:
La 23-25 December:
Port Elizabeth (Seafrikanse, Senyesemane, le Sexhosa) Sebaka: St. George’s Park Cricket Stadium
La 30 December, 1994–la 1 January, 1995:
Bloemfontein (Seafrikanse, Senyesemane, le Sesotho) Sebaka: Springbok Park Cricket Stadium
◼ Joale liphutheho li ka odora temana ea selemo ea 1995, e fumanehang ka R13,00 e le ’ngoe, ka Seafrikanse, Senyesemane, Sesotho, Sexhosa, le Sezulu. Litšenyehelo li tla lefisoa molatong oa libuka. Liphutheho tse nang le khaello molatong oa tsona oa libuka li lokela ho romela chelete le liodoro tsa tsona. Ho etsoa tlhahiso ea hore liphutheho tsohle li behe temana e ncha ea selemo ka la 1 January, 1995.
◼ Liphutheho li lokela ho qala ho odora Ho Hlahlobisisa Mangolo Kamehla—1995 le odoro ea tsona e tloaelehileng ea libuka ho tloha ka la 1 October. Libukana li tla fumaneha ka Seafrikanse, Sefora, Segerike, Sejeremane, Sekwanyama, Senyesemane, Sepedi, Sepotoketsi, Sesotho, Setaliana, Setsonga, Setswana, Sevenda, Sexhosa, le Sezulu. Ho fihlela ha libukana tsena li fumaneha le ho romeloa, ho tla ’ne ho ngoloe “Back Ordered” ho li-invoice tsa phutheho. Libukana tsa Ho Hlahlobisisa Mangolo ke lintho tsa setoko se laoloang ’me li tla lefisoa molatong oa libuka ka R1,80 e le ’ngoe, e leng theko ea bahoeletsi le bo-pula-maliboho. Bo-pula-maliboho ba kamehla le ba khethehileng ba bileng lenaneng pele ho la 1 July, 1994, ba ka fumana kopi e le ’ngoe e sa lefelloeng. Liphutheho tse se nang molato ho Mokhatlo kapa tse nang le khaello ea chelete molatong oa tsona oa libuka li lokela ho romela chelete hammoho le odoro ea tsona. Ho lokela ho tlatsoe foromo e ka thōko ea Tefello le Kōpo ea Phokoletso (S-AB-20) e bontšang likopi tse sa lefelloeng tsa bo-pula-maliboho. Tsena li lokela ho odoroa ka phutheho. RE KHOTHALLETSA HORE SETHO SE SENG LE SE SENG SA LELAPA, HO KOPANYELLETSA LE BANA BA TSEBANG HO BALA, BA BE LE LIKOPI TSA BONA TSA BUKANA ENA.
◼ Kenyelletso e leng tokollong ena ea Tšebeletso ea Rōna ea ’Muso ke “Kemiso ea Sekolo sa Boboleli sa Puso ea Molimo Bakeng sa 1995.” E lokela ho bolokoa bakeng sa tšupiso ho pholletsa le 1995.
◼ Ka kōpo Likomiti tsa Tšebeletso li lokela ho romela Mokhatlo liphihlelo tse hlaheletseng tse tsoang phutuhong ea tšimo e sa abuoang. Re tla thabela ho li fumana pele ho la 15 November, 1994.
◼ Ka kōpo hlokomelang hore theko e ncha ea buka Lipaki tsa Jehova—Baboleli ba ’Muso oa Molimo ke R30,00 bakeng sa phutheho le batho bohle, le R22,00 bakeng sa bo-pula-maliboho. Ka kōpo kenyelletsang sena ho Cost List ea lōna e ncha.