Litaba tsa Puso ea Molimo

Afrika Boroa: Bakeng sa nako ea ho tloha ka September 1994 ho ea ho June 1995, ho nehetsoe Liholo tsa ’Muso tse 25 ’me re lebeletse ho neheloa ha tse ling tse 15 bofelong ba August 1995. Re thabela ho tlaleha ka ho neheloa ha Liholo tsa ’Muso tse latelang ka May le June: Lansdowne (Kapa Bophirimela), Mhluzi (Middelburg), Orlando East (Soweto), Manzini English (Swaziland) le Ngwelezane (Empangeni).

Re leboha sebaka sena sa ho bolela kananelo ea rōna e tiileng bakeng sa mosebetsi o entsoeng ke Likomiti tsa Sebaka tsa Kaho haesita le basebetsi bohle ba baithaopi. Moea oa boithatelo o bontšitsoeng ke sehlopha sena sa basebetsi o thusitse haholo tabeng ea ho susumetsa moea oa ho chesehela ho haha Liholo tsa ’Muso.

Bohle rea le leboha bakeng sa tšehetso ea lōna ea kamehla ea Letlōle la Mokhatlo la Liholo tsa ’Muso. Le sebelisetsoa ho fa liphutheho tse ngata Kalimo ea Liholo tsa ’Muso.