Litsebiso

◼ Lingoliloeng tse tla sebelisoa ka January: Motho e Moholo ka ho Fetisisa ea Kileng a Phela ka monehelo oa R10,50. February: E ka ba Ho Etsa Bophelo ba Lelapa la Hao bo Thabileng ka monehelo oa R3,50 kapa Tšenolo—Tlhōrō ea Eona e Hlollang ka Botle e Haufi! ka monehelo oa R10,50. March: Tsebo e Isang Bophelong bo sa Feleng ka monehelo oa R3,50. April: Peeletso ea selemo ea Molula-Qhooa e tlang ka poso ka monehelo oa R38,00 bakeng sa likhatiso tse tsoang habeli ka khoeli. Peeletso ea selemo ea likhatiso tse tsoang hanngoe ka khoeli kapa peeletso ea likhoeli tse tšeletseng ea likhatiso tse tsoang habeli, ka selemo ke R19,00. Lipeeletso tsa club ke R24,00 le R12,00 ka ho latellana. Etsa boiteko bo khethehileng ba ho nehelana ka likopi tsa limakasine ha mpho e hanoa.

◼ Liphutheho li lokela ho etsa litokisetso tse loketseng tsa ho tšoara Sehopotso selemong sena ka Labobeli, la la 2 April, ka mor’a hore letsatsi le likele. Le hoja e le ntho e ntle hore phutheho ka ’ngoe e tšoare tšebeletso ea eona ea Sehopotso, sena se ka ’na sa se ke sa khoneha kamehla. Moo ka tloaelo liphutheho tse ’maloa li sebelisang Holo ea ’Muso e le ’ngoe, mohlomong e ’ngoe kapa tse eketsehileng li ka sebelisa mohaho o mong mantsiboeeng ao. Sehopotso ha sea lokela ho qala morao haholo hoo batho ba sa tsoa thahasella ba ka thatafalloang ho ba teng. Ho feta moo, kemiso ha ea lokela ho ba e thata hoo ho sa beng le nako ea ho lumelisa baeti pele kapa ka mor’a tšebeletso, ea ho etsa litokisetso bakeng sa ho thusa ba bang moeeng ka ho tsoelang pele, kapa ho thabela ho khothatsana ho akaretsang. Ka mor’a ho nahanisisa ka litšobotsi tsohle, baholo ba lokela ho etsa qeto ka hore na ke litokisetso life tse tlang ho thusa ba tlileng Sehopotsong ho rua molemo ka botlalo ketsahalong eo.

◼ Puo ea phatlalatsa e khethehileng bakeng sa nako ea Sehopotso ka 1996 e tla fanoa ka Sontaha, ka la 21 April. Sehlooho sa puo e tla ba “Ho Lula U Hloka Molato Har’a Moloko o Khopo.” Kemiso ea puo e tla fanoa. Liphutheho tse nang le ketelo ea molebeli oa potoloho, kopano ea potoloho, kapa letsatsi la kopano le khethehileng mafelo-bekeng ao li tla ba le puo e khethehileng bekeng e latelang. Ha ho na phutheho e lokelang ho ba le puo e khethehileng pele ho la 21 April.

◼ Ho qala ka February, ’me e seng ka mor’a la 3 March, puo ea phatlalatsa e ncha bakeng sa balebeli ba potoloho e tla ba “Phutheho e Tšepahalang Tlas’a Boeta-pele ba Kreste.”

◼ Ho qala ka la 29 April, 1996, buka ea Tsebo e Isang Bophelong bo sa Feleng e tla baloa Thutong ea Buka ea Phutheho.

◼ KA KŌPO HLOKOMELANG: Ha ho sa sireletsehile ho romela chelete ho Mokhatlo ka poso ea rejistara. Ha ho na matšeliso a lefshoang haeba lengolo kapa lintho tse ka hare ho lona li lahleha.

Tsela e molemohali ea ho romela chelete ke ka bank transfer (foromo ea M-65, eo le ka e odorang ho Mokhatlo), cheke, kapa li-postal order. E lokela ho romeloa ka lengolo le tloaelehileng leo hajoale e leng lisente tse 60.

Kahoo haeba le tlameha ho romela k’heshe (ea lipampiri) e romeleng ka poso e sirelelitsoeng (insured post). Le hoja e bitsa chelete e ngata haholoanyane ke tsela e sireletsehileng ka ho fetisisa ea ho romela k’heshe ka poso. Lengolo le sirelelitsoeng le tlameha ho fanoa k’haontareng ea Posong e le hore tlelereke e ka sebetsa tefello ea lona.

◼ Sena ke ho hopotsa baholo hore ba fane ka likopi tsa likenyelletso tse ntlafalitsoeng tsa June 1992 le March 1993 tsa Tšebeletso ea Rōna ea ’Muso ho mohoeletsi ka mong ea sa tsoa kolobetsoa. Likenyelletso tsena li lokela ho odoroa ho Mokhatlo ka foromo ea S-AB-14.