Litaba Tsa Puso ea Molimo

Afrika Boroa: Ka February, March, April le June ho ile ha neheloa Liholo tsa ’Muso tse latelang tse tšeletseng: Belhar (Cape), Botshabelo South (Freistata), Gaborone South, George South, Phokeng (Rustenburg) le Umtata Central.

Ka lebaka la menehelo ea lōna ea khoeli le khoeli e etsoang ka seatla se bulehileng Letlōleng la Kaho ea Liholo tsa ’Muso la Mokhatlo, liphutheho tse boletsoeng ka holimo li ile tsa khona ho fumana kalimo ea chelete ho Mokhatlo hore li ka haha Liholo tsa tsona tsa ’Muso. Kaha litheko tsa thepa ea mohaho lia eketseha khoeli le khoeli, monehelo oa lōna oa kamehla letlōleng lena o tla ananeloa haholo e le hore ho ka thusoa liphutheho tse eketsehileng tse fetang 300 tse ntseng li hloka liholo.