Kemiso ea Liboka Tsa Tšebeletso

Beke e Qalang ka la 13 September

Pina ea 43

10 mets: Litsebiso tsa phutheho. Litsebiso tse khethiloeng Tšebeletsong ea Rōna ea ’Muso. Haeba litlhahiso tse leqepheng la 4 li ka sebetsa tšimong ea phutheho ea heno, li sebelise ho bontša kamoo ho ka tsamaisoang Molula-Qhooa oa September 15 le Tsoha! ea October 8. Ho ka ’na ha sebelisoa linehelano tse ling. Ka mor’a pontšo ka ’ngoe, hakhutšoanyane totobatsa karolo e molemo ea nehelano.

20 mets: “Boloka Leihlo la Hao le Talimile Nģa e le ’Ngoe.”a Sebelisa lipotso tse lokiselitsoeng. Ha nako e lumela, totobatsa mangolo a sa qotsoang.

15 mets: Lentsoe la Jehova Lea Phela. Puo. E le ho re thusa ho rua molemo o feletseng lenaneong la beke le beke la ’malo oa Bibele o kemisong ea Sekolo sa Tšebeletso sa Puso ea Molimo, ho na le letoto la lihlooho tse reng “Lentsoe la Jehova Lea Phela” le qalileng ho hlaha litokollong tse itseng tsa Molula-Qhooa. U sebelisa Molula-Qhooa oa September 15, 2004, leqepheng la 24-7, bontša litšobotsi tsa lihlooho tsena. Ka mor’a tlhahlobo e akaretsang, karolo e reng “Lipotso Tsa Mangolo Lia Arajoa” e fana ka tlhaloso ea likarolo tse ling tsa Mangolo a thata. Litlhaloso tse tlas’a sehloohoana se reng “Seo re Ithutang Sona” li lebisa tlhokomelo molemong o sebetsang oa boitsebiso bo hlahang ’malong. Hlahloba mehlala e seng mekae e tobileng ho bontša kamoo letoto lena le tla re thusa ho ba le kutloisiso e eketsehileng ea Lentsoe la Molimo. Khothalletsa bohle ho sebelisa tokisetso ena ka botlalo ha re qala ho bala buka ea Deuteronoma.

Pina ea 162 le thapelo e koalang.

Beke e Qalang ka la 20 September

Pina ea 88

10 mets: Litsebiso tsa phutheho. Hlahloba lintlha tse khōlō tsa lengolo le tsoang lekaleng, le hlahang leqepheng le qalang la Tšebeletso ea Rōna ea ’Muso. Khothalletsa bohle ho bala Numere 16:1-35 ebe ba shebella video ea Respect Jehovah’s Authority ha ba lokisetsa Seboka sa Tšebeletso sa beke e qalang ka la 4 October. Libakeng tsa mahaeng baholo ba lokela ho leka ka matla ho lokisetsa hore malapa a se nang mechine ea video a shebelle video ena. Sena se ka etsoa ka ho lokisetsa hore video ena e shebelloe Holong ea ’Muso mantsiboeeng a letsatsi leo e seng la liboka kapa ka ho e shebella ka mor’a thuto ea buka. Leha ho le joalo, video ena ha ea lokela ho nka sebaka sa puo ea phatlalatsa. Liphutheho tsa mahaeng tse sa khoneng ho fumana mochine oa video e le hore li shebelle video ena li ka sebelisa nako ena ho buisana ka litlhoko tsa phutheho.

15 mets: Re Finyeletse Eng Selemong se Fetileng? Puo ka moholo, e thehiloeng tlalehong ea tšebeletso ea phutheho ea selemo sa tšebeletso sa 2004. Lebisa tlhokomelo likarolong tseo ho tsona phutheho e sebelitseng hantle tlalehong ena, u e babatse bakeng sa mosebetsi o motle oo e o finyeletseng. Totobatsa mosebetsi oa bo-pula-maliboho o entsoeng ka cheseho. Bua ka karolo e le ’ngoe kapa tse peli tseo phutheho e ka lebisang tlhokomelo ho tsona selemong sena.

20 mets: “Sebelisa Bibele Hamolemo.”b Sebelisa lipotso tse lokiselitsoeng. Theha kenyelletso bukeng ea Sekolo sa Tšebeletso, leqepheng la 145, serapeng sa 2-3. Lokisetsa hore ho be le lipontšo tse peli tse khutšoanyane, e ’ngoe e be ea leeto la pele ’me e ’ngoe e be ea leeto la ho boela, u bontše kamoo litlhahiso tse fanoeng li ka sebelisoang kateng.

Pina ea 103 le thapelo e koalang.

Beke e Qalang ka la 27 September

Pina ea 221

15 mets: Litsebiso tsa phutheho. Tlaleho ea liak’haonte. Hopotsa bahoeletsi hore ba fane ka litlaleho tsa bona tsa tšebeletso ea tšimo tsa September. Molebeli oa tšebeletso o lokela ho bua ka litokisetso tsa ho qetela tsa tšimo e sa abuoang. Kaha October ke khoeli ea ho qetela ea phutuho ea tšimo e sa abuoang, khothalletsa bohle ho nka karolo ka botlalo. Lokisetsa hore ho be le pontšo ea kamoo ho ka tsamaisoang Molula-Qhooa oa October 1 le Tsoha! ea October 8 phutuhong e khethehileng.

15 mets: Lipaki Tse Boneng ka Mahlo Mesebetsi ea Rōna e Metle. (1 Pet. 2:12) Puo le puisano le bamameli e thehiloeng Molula-Qhooeng oa November 1, 2002, leqepheng la 12-14, serapeng sa 14-20. Kōpa bamameli hore ba hlalose hore na batho ba sebakeng seo ba amehile joang ha ba bona mesebetsi ea rōna e metle.

15 mets: Litlhoko tsa phutheho.

Pina ea 38 le thapelo e koalang.

Beke e Qalang ka la 4 October

Pina ea 5

5 mets: Litsebiso tsa phutheho.

15 mets: Ho Mamella Mesebetsing e Metle. (Bagal. 6:10) Buisana le ba babeli kapa ba bararo bao e leng bo-pula-maliboho ba kamehla kapa bao e bang bo-pula-maliboho ba thusang nako le nako. Ba ’nile ba talimana le litšitiso life tšebeletsong ea bona ho Jehova, ’me ba li hlōtse joang? Ba thusitsoe ke’ng ho mamella ho etsa se molemo ho ba bang? Mesebetsi ea bona tšebeletsong ea Bokreste e ruisitse bona le ba bang molemo joang? Haeba li sebetsa, kopanyelletsa le litlhaloso tse mabapi le se entsoeng sebakeng seo ho finyella ba buang lipuo tse ling ka litaba tse molemo. Babatsa bohle ka ‘mosebetsi oa bona o tšepahalang le mosebetsi oa bona o lerato le mamello ea bona.’—1 Bathes. 1:2, 3.

25 mets: “Re Lokela ho Hlompha Bolaoli ba Jehova.” Bala Juda 11, u etse hore kenyelletso ea hao e se ke ea feta metsotso e ’meli. Ebe u kena puisanong le bamameli hang-hang u sebelisa lipotso tsohle tse sehloohong sena. Totobatsa hore e le hore re lule re amoheleha ho Jehova, re lokela ho qoba maikutlo a borabele a Kora ’me re etsise mohlala oa bara ba hae, ba sa kang ba etelletsa letho ka pel’a botšepehi ba bona ho Jehova.

Pina ea 99 le thapelo e koalang.

[Mongolo o botlaaseng ba leqephe]