Litsebiso

◼ March: Ithute ho Mosuoe e Moholo. April le May: Makasine ea Molula-Qhooa le ea Tsoha! June: Le Lule le Lebetse!

◼ Neng le neng ha u lokisetsa ho etela naheng e ’ngoe ’me u rera ho ba teng libokeng tsa phutheho, kopanong e nyenyane, kapa ea setereke moo, u lokela ho kōpa boitsebiso ba matsatsi, linako le libaka ofising ea lekala e hlokomelang mosebetsi naheng eo. Bona liaterese tsa liofisi tsa makala leqepheng la ho qetela la Buka ea Selemo ea morao-rao.

◼ Sehopotso se tla tšoaroa ka Labone la la 24 March, 2005. Haeba phutheho ea lōna e tloaetse ho tšoara liboka ka Labone, li lokela ho tšoaroa ka letsatsi le leng haeba Holo ea ’Muso e fumaneha. Haeba ho sa khonehe ’me Seboka sa lōna sa Tšebeletso se ameha, lipuo tse sebetsang ka ho toba phuthehong ea lōna li ka kenyelletsoa Sebokeng se seng sa Tšebeletso.

◼ Bahoeletsi ba bang ba botsitse ofisi ea lekala ka lipina tsa ’Muso tse rekotiloeng tse binoang ka tsela e ratoang tseo hona joale Lipaki Tsa Jehova li li romellanang. Baa ipotsa hore na mokhatlo o hlophisitsoeng o amohela lipina tsena tse rekotiloeng. Rea tseba ka lipina tsena ’me re rata ho le tsebisa hore ha re li amohele. Ka kōpo le se ke la li romela ho ba bang kapa la nka likopi tsa tsona Inthaneteng. Re tšepa hore boitsebiso bona bo tla hlakisa taba.

◼ Lingoliloeng Tse Ncha Tse Fumanehang:

Good News for People of All Nations—Sechichewa, Sefora, Senyesemane, le Sepotoketsi

Le Lule le Lebetse!—Seafrikanse, Seamharike, Sechaena (se Nolofalitsoeng), Sechichewa, Sedache, Sefora, Sejapane, Sejeremane, Sekwangali, Sekwanyama, Sendonga, Senyesemane, Senyesemane (Braille), Sepanishe, Sepedi, Sepotoketsi, Sesotho, Setaliana, Setsonga, Setswana, Sevenda, Sexhosa le Sezulu

‘Bona Naha e Ntle’—Sechaena (se Nolofalitsoeng)

Watch Tower Publications Index, 2001—Sepotoketsi

◼ Li-DVD Tse Ncha Tse Fumanehang:

Elementary Bible Teachings—On DVD—Puo ea Matsoho ea Amerika Keep on the Watch!—On DVD—Puo ea Matsoho ea Amerika