Litsebiso

◼ Lingoliloeng tse tsamaisoang ka October: Makasine ea Molula-Qhooa le ea Tsoha! November: Ithute ho Mosuoe e Moholo. December: Motho e Moholo ka ho Fetisisa ea Kileng a Phela.

◼ Kaha December e na le Meqebelo e mehlano le Lisontaha tse hlano, e ka ba khoeli e ntle haholo bakeng sa ho ba pula-maliboho ea thusang.

◼ Tšebeletsong ena ea Rōna ea ’Muso ho kenyelelitsoe “Kemiso ea Sekolo sa Tšebeletso sa Puso ea Molimo ea 2007” ’me e lokela ho bolokoa e le hore e ka sebelisoa selemong sohle sa 2007.

◼ Ka January ho tla tšohloa video ea No Blood—Medicine Meets the Challenge Sebokeng sa Tšebeletso. Haeba ho hlokahala, bahoeletsi ba lokela ho odara DVD kapa k’hasete ea video ka phutheho kapele kamoo ho ka khonehang.

◼ Ho ke ke ha hlokahala hore le odare limemo tsa Sehopotso sa 2007 kaha phutheho ka ’ngoe e tla romelloa tsa eona nako e telele pele ho moo. Haeba liphutheho li sebelisa Holo ea ’Muso e le ’ngoe, mohokahanyi oa libuka o lokela ho tiisa hore phutheho ka ’ngoe e fumana palo eo e e rometsoeng. Ho tloha ka 2007 ho ea pele, limemo tsa Sehopotso li ke ke tsa ngoloa selemo se tobileng, kahoo setoko sa tsona se ka bolokoa eaba se sebelisoa selemo le selemo. Bahoeletsi ba lokela ho tiisa hore ba ngola nako le aterese limemong tse hlokahalang feela tsa Sehopotso, hobane limemo tse setseng li ka sebelisoa selemong se latelang haeba li sa ngolla letho. Haeba ho hlokahala limemo tse eketsehileng kapa tsa lipuo tse ling tse sa romeloang, le ka li odara ka Literature Request Form (S-14). Re kōpa hore le bontše hore tsena li eketsoa ho tse rometsoeng. Limemo tsa Sehopotso li tla fumaneha ka Seafrikanse, Sefora, Senyesemane, Sepedi, Sepotoketsi, Sesotho, Setsonga, Setswana, Sexhosa le Sezulu.

◼ Ka bomalimabe, ha ho na tokisetso ea hore barab’abo rōna ba late liodara tsa liphutheho tsa habo bona Bethele. Ho lateloa kemiso e khethehileng ea ho pakela phutheho ka ’ngoe lingoliloeng tsa eona ’me liodara li romeloa ho latela kemiso eo. Ka lebaka la mosebetsi o mongata, ho ba thata haholo hore ho tloheloe mosebetsi ebe ho pakoa liodara tse tlil’o latoa. Leha ho le joalo, ha ho bothata haeba barab’abo rōna ba siea li-Literature Request Form (S-14) tsa bona ha ba etetse Bethele.

◼ Ka la 14 April, 2007, e tla be e le Letsatsi la rōna le khethehileng la Limakasine. Re khothalletsa bohle hore ba qale hona joale ho lokiselletsa ho kopanela ka botlalo selemong se tlang. Liphutheho li lokela ho romela liodara tse khethehileng tsa limakasine kapele kamoo ho ka khonehang kateng.

◼ Puo e khethehileng ea phatlalatsa bakeng sa nako ea Sehopotso sa 2007 e tla fanoa ka Sontaha sa la 15 April, 2007. Sehlooho sa eona se tla tsebisoa hamorao. Liphutheho tse tla beng li etetsoe ke molebeli oa potoloho kapa tse tla beng li e-na le kopano mafelo-bekeng ao, li tla ba le puo e khethehileng bekeng e latelang. Ha ho phutheho e lokelang ho fana ka puo e khethehileng pele ho la 15 April.

◼ Ka Moqebelo oa la 14 October, 2006, mehaho ea lekala e tla be e koetsoe hobane ho tla be ho hloekisoa.